حجاب لكل الاعمار والمناسبات

من طرف **عادل رمضان** الإثنين مارس 17, 2008 9:47 pm

إيه رأيك لما نشوف مع بعض النهارده تشكيلة هايلة من الموديلات اللي تناسب جميع الأعمار وجميع المناسبات...
نشوف مع بعض

المجموعة الاول

البنات اللي بتحب الكاجوال

أول مجموعة معانا النهارده من ملابس المحجبات هي خاصة بالبنات اللي بتحب الملابس العملية "الكاجوال" ودي بتناسب أكتر طلاب الجامعة أو الثانوي..

ودي نماذج من التصميمات المناسبة ليها

بلوفر مفتوح من الأمام على شكل v هتحتاجي إنك تلبسي من تحته "هاي كول" أو "بادي" وعلى فكرة البلوفر ده ممكن تلبسيه على بنطلون جينز أو قماش..
الموديل ده مناسب جدا للبنت القصيرة لأنه هيخليها تحس إنها طويلة..

[ندعوك للتسجيل في المنتدى أو التعريف بنفسك لمعاينة هذه الصورة]

ده شكل تاني من أشكال البلوفر، وده بلوفر طويل، طوله بيصل إلى فوق الركبة، ممكن تفتحيه وتلبسي من تحته بادي أو تقفليه.. الموديل ده مناسب جدا للبنت الطويلة..

[ندعوك للتسجيل في المنتدى أو التعريف بنفسك لمعاينة هذه الصورة]

ولو عايزة تدلعي نفسك يبقى مافيش قدامك غير الشكل ده..

[ندعوك للتسجيل في المنتدى أو التعريف بنفسك لمعاينة هذه الصورة]

المجموعة الثانية
البنات اللي بتحب الكلاسيك

فيه بنات كتير قوي نتيجة تكوين شخصيتهم أو ظروف عملهم بتلاقيهم بيحبوا يلبسوا ملابس كلاسيك..

ودي نماذج من التصميمات المناسبة

استايل جديد، لسه نازل، عبارة عن جاكيت صوف طويل بحزام من المنتصف وجيبين من الأمام، وعلى فكرة الشكل ده كان موجود زمان في السبعينيات ورجع موضة تاني.

[ندعوك للتسجيل في المنتدى أو التعريف بنفسك لمعاينة هذه الصورة]

ده برضه طقم تاني مناسب للبنت المحجبة اللي بتحب اللبس الكلاسيك.. الطقم ده عبارة عن جاكيت قصير وجوب.

[ندعوك للتسجيل في المنتدى أو التعريف بنفسك لمعاينة هذه الصورة]

ده كمان شكل العباية الكلاسيك اللي ممكن تلبسيها...

[ندعوك للتسجيل في المنتدى أو التعريف بنفسك لمعاينة هذه الصورة]

المجموعة الثالثة
تألقي في المناسبات البسيطة

ساعات كتير جدا بييجي ليكِ دعوة لحضور مناسبات بسيطة زي مثلا حفلة في بيت واحدة صاحبتك، فبالتأكيد بتكوني محتاجة تعرفي تلبسي إيه لأنك مش معقول هتلبسي فستان سواريه..

علشان كده جبت لك شوية التصميمات المناسبة للمواقف اللي زي دي

طقم سواريه بسيط جدا عبارة عن جاكيت وجوب .

[ندعوك للتسجيل في المنتدى أو التعريف بنفسك لمعاينة هذه الصورة]

ده طقم تاني مناسب جدا وهو عبارة عن تونيك طويل مجسم من منطقة الوسط ومع الموديل ده هتحسي بمنتهى الشياكة..

[ندعوك للتسجيل في المنتدى أو التعريف بنفسك لمعاينة هذه الصورة]

لو كنت من الناس اللي بتحب تلبس عبايات فده شكل العباية اللي ممكن تحضري بيها أي مناسبة..

[ندعوك للتسجيل في المنتدى أو التعريف بنفسك لمعاينة هذه الصورة]

ده كمان موديل تاني ممكن تلبسيه..

[ندعوك للتسجيل في المنتدى أو التعريف بنفسك لمعاينة هذه الصورة]

بس كده خلاص .يارب تكون الموديلات عجبتك

لوعجبتك ردى وقولى.....

ولو مش عاجباكِ برده ردى وقولى.....

سلام

ايه يا عم الشغل الجامد ده انت كده بتعرض لنا موديلات جامده اوى مش حجاب
بقى
ايه يا عم دول لو لبسوا كده احنا خلاص يبقى انتهينا
بقى
ولتا ايه
مشكوررررررررررررر
عادولا على الشغل الجامد
ده
تحياتى
القلب المفقود
[ندعوك للتسجيل في المنتدى أو التعريف بنفسك لمعاينة هذه الصورة]

هو فعلا لبس وموديل شيك جدا بس منافي للحجاب كله اسبانش والرقبه بتظهر وده ضد الحجاب ولا ايه ياعادل؟؟؟؟؟؟؟؟؟؟؟؟؟؟؟؟؟
اللبس شيك لكن طريقة عمل الحجاب برده شيك بس ماتنفعش..... الحجاب ممكن يكون شرعي وفي نفس الوقت شياكته مش هاتقل

حجاب لكل الاعمار والمناسبات

حجاب لكل الاعمار والمناسبات

رد: حجاب لكل الاعمار والمناسبات

رد: حجاب لكل الاعمار والمناسبات