اسس وانشىء الموقع ... ابراهيم نجاح العشماوى ... 15 يناير 2008
 
الرئيسيةالمنشوراتالتسجيلدخول

شاطر | 
 

 ملحمة النصر

اذهب الى الأسفل 
كاتب الموضوعرسالة
عطا درغام
مرجاوى جديد
مرجاوى جديد


ذكر
عدد الرسائل : 77
العمر : 48
العمل : أخصائي مكتبات
البلد : جديدة المنزلة
الهوايه :
تاريخ التسجيل : 21/05/2008

مُساهمةموضوع: ملحمة النصر   الخميس يونيو 26, 2008 6:27 pm

ملحمة النصر

ملحمة تمثيلية غنائية

عرضت على مسرح مدرسة هيئة قناة السويس الخاصة تحت عنوان أنشودة مصرية بتاريخ 19/ 4 /2006
عطا درغام

موسيقى افتتاحية

يدخل واحد من الجمهور لا يعجبه ما يدور على المسرح من تجهيزات وإعداد للعمل المسرحي

المتفرج

تقدروا تقو لوالى أيه فايدة كل ده

( يفتح الستار 00 ويخرج له الراوي ويسير حتى مقدمة المسرح .. ويرد على المتفرج )

الراوي

من فضلك ما تحكمشى على شيء قبل ما تشوفه 0000 وكل ده بنعبر فيه عن نفسنا..وعن كل اللي بنعيشه وبنحسه جوانا

المتفرج

يعنى هتحكى لنا قصة أبو زيد الهلالي يا اخويا

الراوي

لا أبو زيد ولا عنترة

فيه اللي أحسن من أبو زيد وعنترة

فيه تاريخ الوطن اللي كله كفا ح

وحضارة وبطولة

عشان تتعلم من ماضيك عبرة

تكون لك ذكرى


( يعود المتفرج ا إلى مكانه بين الجمهور)

الراوي

وياريت انتوا كمان

تبقوا معانا .. وقبل المتعة وياريت نتعلم

( يسمع صوت أنور السادات يعلن بيان إعلان قيام ثورة 23 يوليو سنة 1952 )

السادات

اجتازت مصر فترة عصيبة في تاريخها من الرشوة و الفساد وعدم استقرار الحكم 0 وكان لكل هذه العوامل تأثير كبير على الجيش 0 وعلى ذلك 0 فقد قمنا بتطهير أنفسنا وتولى أمرنا في داخل الجيش رجال نثق في قدرتهم وفى خلقهم 0 ولا بد أن مصر كلها تتلقى هذا الخبر بالابتهاج

( يسمع أصوات هتاف للشعب المصري تعبر عن هذا الحدث العظيم 000 ويمكن الاستعانة بأصوات مسجلة00 ويتم عرض صور على بالبروجيكتور تصور هذا الحدث مصحوبة بأغنية تعبر عن ثورة يوليو وفرحة الشعب المصري وقد قام كورال المدرسة بتقديم أغنية على الله القوى الاعتماد)

الراوي

ماحلاكى يا فرحة وانتى مكسية بتوب النصر

قلنا نبنى .. قلنا نعمر.. قلنا هنبنى السد العالي

جه جمال قال ياقنال ..جه جمال قال يا قنال

( صوت الزعيم جمال عبد الناصر..يعلن تأميم قناة السويس..

ويتم عرض هذا الحدث بالصوت والصورة عن طريق بالبروجيكتور .. الذي يصور هذا الحدث وفرحة الشعب

)
الرجوع الى أعلى الصفحة اذهب الى الأسفل
عطا درغام
مرجاوى جديد
مرجاوى جديد


ذكر
عدد الرسائل : 77
العمر : 48
العمل : أخصائي مكتبات
البلد : جديدة المنزلة
الهوايه :
تاريخ التسجيل : 21/05/2008

مُساهمةموضوع: رد: ملحمة النصر   الخميس يونيو 26, 2008 6:34 pm

الراوي

يا فرحة ماتمت

استكترتها علينا عصابات أوروبا

ويا عصابات صهيونية

ضربوا فيها بورسعيد
(
أصوات قنابل وطائرات ومدافع ويتم الاستعانة بالبروجيكتور ويتم عرض صور ضرب بورسعيد )

الراوي

ضربوك بالقنابل
وخلوك خراب يا بورسعيد

ويا عصابة التلاتة

ويا دلدول صهيوني

طلع شيطاني وانغرس

وسطينا وفرق وحدتنا

( ويتم الاستعانة بالكورال المدرسي لعرض أغنية تعبر عن هذا الحدث 00 وتم عرض أغنية الله أكبر فوق كيد المعتدى )

الراوي

بورسعيد موش لوحدها

معاها كل مصر بقلوبها

بتدعى لمهران وعسران

وأصحابه اللي كانوا رجالة

في الجميل والرسوة وبور فؤاد

وصرخوا وقالوا

الموت ولا العار

الموت ولا العار

الراوي

يا عصابات مفترية

ارجعوا بلادكم

بلادنا موش ليكووا

هتتحرقوا في سماها

وتغرقوا في ميتها

دى أرضنا

أرض أبويا وجدي

وولادى من بعدى

( ويتم عرض لقطات فيلمية تصور بطولة أبناء بورسعيد كخلفية للأغنية المعروضة .. وتم عرض أغنية إني ملكت زمامي في يدي

من غناء الطالبة نوران الجمل )

الراوي

الله عليكوا يا بورسعيدية

يا أهل الشهامة والبطولة

علمتونا أيه معنى الوطنية

في دروس لأولادنا مشروحة

ورفعتوا رايتنا منصورة

ولبستوا إيدن طرحة

ورجعتوا جيوشه مقهورة

ورجعتوا جيوشه مقهورة

( وخلال ذلك يتم عرض أغنية تعبر عن هذا الحدث مع خلفية تصور بطولات وكفاح شعب بورسعيد 00 وتم عرض أغنية أمانة عليك أمانة من غناء الطالبة / لارا البنا)

الراوي

كثرت سيوف الغدر

وتآمرت عليك الديابة يامصر

واللي حصل كان شيء

فظيع ما يتحكييش

نقول مصيبة ...

موش كفاية ...
نقول نكسة
موش كفاية ..

نقول مصيبة...
موش كفاية

نقول نكسة.....

موش كفاية

( وخلال هذه الأثناء يتم عرض مشاهد فيلمية على البروجيكتور تصور نكسة 1967 وتستمر خلال حديث الراوي حتى نهاية الأغنية وتم عرض أغنية البندقية أتكلمت من غناء / سلفانا وجيه)

الراوي

نقول خدعونا

ولا إحنا اللي خدعنا نفسنا

وافتكرنا إن إحنا قدهم و

عشنا في حلم وعيشونا فيه

قال أيه بكرة تدخلوا تل أبيب ...

طلعوا هما اللي دخلوا سينا
ويسير مترنحا 00 ويقع 00 ويزح
( يدخل جندي بملابس رثة ممزقة تدل على آثار المعركة000

ويسير حتى مقدمة المسرح0
ويخاطب الجمهور )

الجندي

إحنا ما اتهزمناش

لأننا أصلا ما حاريبناش

أوعوا في يوم تظلمونا

قالوا لنا حاربوا

قلنا موش مستعدين

رحنا نحارب لقينا في سينا حاجة تانية

واللي فلت من طيارات العدو

مات من الحر في رمله سينا
بس إدونا فرصة تانية
وانتووا هتعرفوا مين هو الجندي المصري
و اوعوتفقدوا الثقة فينا
وسينا هترجع بإذن الله
وسينا هترجع بإذ نالله
الرجوع الى أعلى الصفحة اذهب الى الأسفل
عطا درغام
مرجاوى جديد
مرجاوى جديد


ذكر
عدد الرسائل : 77
العمر : 48
العمل : أخصائي مكتبات
البلد : جديدة المنزلة
الهوايه :
تاريخ التسجيل : 21/05/2008

مُساهمةموضوع: رد: ملحمة النصر   الخميس يونيو 26, 2008 6:39 pm

0 ويتم خلال هذه الأثناء عرض مشاهد فيلمية على البروجيكتور تصور هزيمة 1967 ويموت الجندى على كتف الراوى

الراوي

راحت سينا من مصر
في غمضة عين

والحزن غطى في كل بيت
وإسرائيل افتكرت
إن موش هتقوم
لك قومة يا مصر

وع القنال بنوا خط

سموه بارليف
عشان يحميها من ولادنا
ورحت تستعرض علينا

قوتها ومن خستها وجبروتها

في أبو زعبل

ضربت عمالنا

والأفظع من كل ده
موتت البراءة في بحر البقر
أيه ذنبهم مالهم
دول ومال الحرب

فظيع فظيع

( مجموعة من الأطفال تحمل حقائب مدرسية لنفهم أنهم أطغ\فال مدرسة بحر البقر...ويسمع صوت قنابل وصواريخ 0.....وعلى أثرها يقع الأطفال موتى...فوضى في المسرح...وصراخ ...

ويدور الراوي حول الأطفال ...وخلال ذلك يتم عرض لقطات ضرب مدرسة بحر البقر وتستمر حتى عرض الأغنية...وقد تم عرض أغنية أنا بأحبك يا بلادي من غناء / بسنت الجمل وهبة )

الراوي

ياترى فيه أمل في اللي جى

ولا الانكسار أنكتب علينا

موش ممكن يكون انكسار

وإلا قول على المصري السلام

عمر المصري ماتهده محن

ولا تكسره الهزايم
واسأ لوا حتىالتاريخ
هيقول لكوا المصري غنوه
يرددها لساني عمري في يوم ماانساها
عمري في يوم ما أنساها
عمري ما أنساها

( وخلال اختفاء الراوى....يردد الكورال مع الراوي ... المصري غنوه يرددها لسانى عمري في يوم ما أنساها

ومع ترديد أغنية توحي بالأمل في النصر وقد غنى كورال المدرسة أغنية أحلف بسماها وبترابها )

الراوي

والله الأمل جى

والله الأمل جى
ومسير النصر يتحقق
والبسمة ترجع ع الشفايف

والله الأمل جى
والله الأمل جى
( تدخل مجموعة من الجنود ترفع البنادق مهللة ومكبرة الله أكبر الله أكبر ....مع عرض مشاه فيلمية تصور لحظات العبور العظيم )

الجندي

حي على الجهاد

حي على الجهاد
حي على الجهاد

الله اكبر

الله أكبر
الله أكبر
الله أكبر

( يرددها الكورال وفريق العمل مع الجندي )

الله أكبر من كل معتدى

الله أكبر الله أكبر

كلمة للأبطال كانت شعار

الله أكبر الله أكبر

واتهزت ليها قلوب

الله أكبر الله أكبر

خاف ابن صهيون

وقال داريني يا بارليف
وصرخت مائير
وقالت الحقنى ياسام
الله أكبر
لله أكبر

ولا يزال الكورال وفريق العمل يردد مع الجنود .. الله أكبر الله أكبر .. لتهتز جميع أركان المسرح..ويتم عرض لقطات فيلمية من خلال البروجيكتور لعرض صور من العبور العظيم..حتى ينتهي العرض مع عرض الأغنية وغنت الطالبتان / نوران الجمل وإسراء مصطفى أغنية وأنا على الربا بة بأغنى)



الراوي

والله وفرحتي يا مصر

والله وفرحتي يا مصر

وخلعتي توب الحزن

ولبست توب النصر

وفرحت يا شعب بنصر ولادك

والله عشا نكوا نغنى

غنوه جميلة من شعب أصيل

لأسود أبطال

/


بورسعيد في 14 /12 /2005

الرجوع الى أعلى الصفحة اذهب الى الأسفل
سكرانه
مشرف التهانى والمناسبات
avatar

ذكر
عدد الرسائل : 361
العمر : 32
الجنسية : مرجاوى اصيل
العمل : اعمال حره
البلد : بلاد الله الواسعه
مزاجى :
الهوايه :
المهنه :
رقمى المفضل : منتا عارف
0114504347
تاريخ التسجيل : 03/09/2009

مُساهمةموضوع: رد: ملحمة النصر   الإثنين أكتوبر 26, 2009 3:28 pm

ههههههههههههههه على فكره الجيش علمك كتير
الرجوع الى أعلى الصفحة اذهب الى الأسفل
 
ملحمة النصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الموقع الرسمى لمدينة ميت مرجا سلسيل :: ҉ ][ابداعات شباب وفتيات ميت مرجا سلسيل ][ ҉ :: منتدى القصص والروايات-
انتقل الى: