الشريك الضائع............

كتير بشوف طبيب جراح بيتكلم عن ان اي قصة بتنتهي بالضياع ودة طبعا اللي بلاحظه قلما لما نلاقي قصص حب بتتوج بالزواج
بغض النظر عن تحريم العلاقه دي وانها ضد العادات والتقاليد مش ده موضوعي لان رأيي ف الموضوع ده بينته في كتير من ردودي
انا الموضوع اللي بطرحه دلوقتي
هو
تعمل ايه لما تكون مثلا البنت اللي بتتمني انها تكون شريكة حياتك اتخطبت وانت كنت منتظر الوقت الحاسم عشان تقوم بالخطوة دي وتصارحها اقصد
تصارح اهلها بأنك تتخطب لها
اقصد بمعني اشمل
انك ماعرفتهاش انك تتمني انك تخطبها وكنت منتظر انك تتخرج او تكون جدير انك تكون علي قدر المسؤليه وفجأة لقيتها اتخطبت هل هتتمني لها السعادة ولا هتحاول تكلم اهلها عشان ماتضيعش ولا هتقول خيرها ف غيرها ولا هتقول انها مش من نصيبك وخلاص تكمل مشوارك بدونها؟؟؟؟؟؟

بجد البنت اللى بتحب بجد مهما حصل مش بتعمل غيلر اللى فى دماغها والبنات دايما ملحيين على اهاليهم ومدلعين فالبتالى اهاليهم مبيقدروش يحكموا عليهم لكن كل بنت دلوقتى عاوزة تتخطب لاى واحد لانها عاوز تفرح وتلبس الدهب فى وسط اصحابها وخطيبى جه وخطيبى راح وخطيبى جابلى وردة وخطيبى جابلى طقم حوارات من دى فالبتالى ازدادت ماساة الشباب اللى بيحبم واتمنا من كل فتاة ان تخلص للحب مع خطيبها الحقيقى وادا كانت لديها قصه حب تنساها علشان ربنا يكرمها مع زوجها