اسس وانشىء الموقع ... ابراهيم نجاح العشماوى ... 15 يناير 2008
 
الرئيسيةالمنشوراتالتسجيلدخول

شاطر | 
 

 جايلك عريس ؟ محتاسه؟ومش عارفه تعملى ايه؟ تعالى واعرفى..

اذهب الى الأسفل 
كاتب الموضوعرسالة
فجر الاسلام
مشرفة سابقة
مشرفة سابقة
avatar

انثى
عدد الرسائل : 1010
الجنسية : مصرية
العمل : طالبة جامعيه
البلد : ميت مرجا
رقم العضويه : 280
مزاجى :
الهوايه :
المهنه :
تاريخ التسجيل : 03/06/2008

مُساهمةموضوع: جايلك عريس ؟ محتاسه؟ومش عارفه تعملى ايه؟ تعالى واعرفى..   الخميس يونيو 25, 2009 9:42 am

¸.•°°·.¸¸.•°°·.¸.•°®»الخطوة الأولى
جهزي نفسك نفسيا ومظهريا

علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك

حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر ..مش تطفشي الراجل

خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده
*******
الخطوة التانية
أثناء اللقاء نفسه

بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين ...ويبقي نهارك فحلقي بقي بلاش فضايح.. كفاية قووي إنك تدخلي بابتسامة بسيطة على شفايفك هتبقي عسل انا عارفه..وتسلمي على كل اللي موجودين وعليه هو كمان ولا اقولك بلاش هو.. ابقي سلمي عليه بعد كتب الكتاب هههههههه ولا اقولك سلمي مش مشكله اول مرة.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس.. ايون هو الموضوع هيكون مخجل بس معلش ماهو عشان تشوفيه افرضي طلع عنده حاجه هتضايقك.. لأن ده حقك الشرعي وخليكي واثقة من نفسك .. ايون علي رأي هنيدي انا واثيق من الفوز... وخدي الموضوع ببساطة علشان يعدّي... انتي يعني ف امتحان البكالوريوس Rolling Eyes

لو مامته جات معاه ياريت تخلّي بالك منها وبلاش تكشّري في وشها وهي قاعدة ايوة خليكي لذيذة ودمك خفيف بلاش الألاطه بتاعت البنات اللي انا عارفاها دي.... خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها.. الحما بردة زي الام... وخليكي ذكية وفكري في كل كلمة قبل ماتقوليها... يستحسن ماتنطقيش افضلي ساكته

وأنت قاعدة اتكلمي براحتك من غير تكلف.. ماتعمليش فيها بقي مني الشاذلي وتعملي فليسوفة عصرك.. وافتحي مجالات للكلام واسمعيه كويس وهو بيتكلم علشان تقدري تحكمي عليه.. افرض طلع ماعندوش درايه بالعالم المحيط يعني مش مثقف وده راجع لك يعني لو انتي مالكيش ف حورات الثقافه والعلم ده خلاص ع خيرة الله...

لو فيه حاجة تضحك يا ريت ماتضحكيش ضحك بصوت عالي.. وتعملي فيها عائشه الكيلاني خليكي كده رقيقه ابتسمي بس .. كفاية قوووي ابتسامة بسيطة على شفايفك

خليكي جريئة ولو وجه لك الكلام ردي عليه بذوق من غير كسوف.. حد واخد منها حاجه
*******
كمان خدي بالك أوووي
1-
لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. اوعي بقي تكوني اهلاويه وتمسكيه غسل وطحن ف الزمالك انتي ماتعرفيش الزمالكويه ...دول يخسروا نفسهم عشان ناديهم الخسران دايما ده.. سوري يا جماعه انا بتكلم ف واقع.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه بأختصار قوليله انت رأيك ايه وتماشي مع رأيه بلاش بقي تعملي فيها الاتجاة المعاكس بتاع الجزيرة
واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟
اوعي اصل يعرف انك ماديه ويطفش
لأن الأسئلة اللي من النوع ده ما ينفعش تسأليها في أول مقابلة
ممكن بعد كتب الكتاب ماشي هيكون ادبس
هههههههههههههه

لو كان اللقاء في مكان عام زي النادي مثلا.. لا احنا مش عندنا نوادي هتروحي يعني تقابليه ف نادي شباب ميت مرجا .. مايصحش أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه
اه سيبك بقي من فضول البنات .. ده مين.. وابن مين.. وفي ايه.. وايه وايه.........
*******
الخطوة الثالثة
بعد انتهاء اللقاء
بعد ما يمشوا عايزاكي تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك«®°·.¸.•°°·.¸¸.•°°·.¸.•°®»
1- 2- 3 1- 2- 3- 4- 5- 2-
ربنا يستر
واتمنى ينول اعجابكم
الرجوع الى أعلى الصفحة اذهب الى الأسفل
جنات
مرجاوى جديد
مرجاوى جديد
avatar

انثى
عدد الرسائل : 77
العمر : 26
الجنسية : اكيد مصريه
مزاجى :
رقمى المفضل : محتجاهم كلهم
تاريخ التسجيل : 31/10/2008

مُساهمةموضوع: رد: جايلك عريس ؟ محتاسه؟ومش عارفه تعملى ايه؟ تعالى واعرفى..   الأحد أغسطس 23, 2009 10:34 pm

تسلم ايديك ايه ده بجد حلوه بس انا اتكسف حتى اقعد معاه وفى وسط ناس او حتى ابصيله واحنا معانا حد يبقى هقعد قصاده لالالالالالالالالا ده انا لخمه خالص ومش بعرف اتعامل مع الصبيان ده حتى قاريبى الولاد لما بيجوا عندنا بقفل عليا باب اوضتى يبقى اعمل ايه؟
الرجوع الى أعلى الصفحة اذهب الى الأسفل
فجر الاسلام
مشرفة سابقة
مشرفة سابقة
avatar

انثى
عدد الرسائل : 1010
الجنسية : مصرية
العمل : طالبة جامعيه
البلد : ميت مرجا
رقم العضويه : 280
مزاجى :
الهوايه :
المهنه :
تاريخ التسجيل : 03/06/2008

مُساهمةموضوع: رد: جايلك عريس ؟ محتاسه؟ومش عارفه تعملى ايه؟ تعالى واعرفى..   الإثنين أغسطس 24, 2009 4:16 am

هههههههههههههههههههههههههههههه
عموما يا ستي لسه بدري علي مايحصل الموضوع ده بأعتبار الدراسه طبعا ولو انتي من النوع اللي ممكن يرتبط ف الكليه خلاص هقولك تعملي ايه
بصي هو الكسوف امر طبيعي بس بجد لما تيجي بقي خلاص هو ده اللي هتبتدي حياتك معاه فلازم ع الاقل تشوفي اسلوبه ازاي وتفكيرة هيناسب تفكيرك ولا لأ
يعني ع الاقل عشان تشوفي في قبول ولا لا
عشانك حياتك تبقي ابتدت صح
وعن الكسوف اوي اوي ابقي اتكلمي من غير ما تنظري اليه يعني اسمعي وبس وردي برده عشان هو كمان يشوف اسلوبك وتفكيرك
وعموما يا كتكوته القدر لما بيجي سبحان الله ربنا بيسهل الامور وربنا يرزقك الزوج الصالح
الرجوع الى أعلى الصفحة اذهب الى الأسفل
جنات
مرجاوى جديد
مرجاوى جديد
avatar

انثى
عدد الرسائل : 77
العمر : 26
الجنسية : اكيد مصريه
مزاجى :
رقمى المفضل : محتجاهم كلهم
تاريخ التسجيل : 31/10/2008

مُساهمةموضوع: رد: جايلك عريس ؟ محتاسه؟ومش عارفه تعملى ايه؟ تعالى واعرفى..   الإثنين أغسطس 24, 2009 4:26 pm

لا عريس ايه دلوقتى لسه بدرى يافجر ده لسه 5سنين
الرجوع الى أعلى الصفحة اذهب الى الأسفل
حكاية روح
مرجاوى جديد
مرجاوى جديد
avatar

انثى
عدد الرسائل : 35
العمر : 27
الجنسية : Msrya..muslima
العمل : fi..el-kolia
البلد : meet merga
مزاجى :
الهوايه :
المهنه :
تاريخ التسجيل : 04/09/2009

مُساهمةموضوع: رد: جايلك عريس ؟ محتاسه؟ومش عارفه تعملى ايه؟ تعالى واعرفى..   السبت سبتمبر 05, 2009 4:09 am

هههههههههههه

ربنا يخليكي يا فجر يا عسولة وبجد موضوع في غاية الاهمية وهو في اهم من كدا

ههههههه وبجد شكرا ليكي وعقبالك يا رب وعقبالنا كلنا بس لسا بدري اوي عليا 4 سنين

لما اخلص الكلية وكدا

وربنا يرزقنا الزوج الصالح
الرجوع الى أعلى الصفحة اذهب الى الأسفل
فجر الاسلام
مشرفة سابقة
مشرفة سابقة
avatar

انثى
عدد الرسائل : 1010
الجنسية : مصرية
العمل : طالبة جامعيه
البلد : ميت مرجا
رقم العضويه : 280
مزاجى :
الهوايه :
المهنه :
تاريخ التسجيل : 03/06/2008

مُساهمةموضوع: رد: جايلك عريس ؟ محتاسه؟ومش عارفه تعملى ايه؟ تعالى واعرفى..   الأحد سبتمبر 06, 2009 5:41 pm

انتم اللي عساسيل والله
وميرسي يا روح علي مرورك وعقبالك يا جميله لما تتخرجي وتتخطبي ان شاء الله
الرجوع الى أعلى الصفحة اذهب الى الأسفل
 
جايلك عريس ؟ محتاسه؟ومش عارفه تعملى ايه؟ تعالى واعرفى..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الموقع الرسمى لمدينة ميت مرجا سلسيل :: ҉ ][خاص بفتيات وسيدات المجتمع بميت مرجا سلسيل][ ҉ :: منتدى البنات والجامعات-
انتقل الى: