الموقع الرسمى لمدينة ميت مرجا سلسيل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الحوار الساخن بين الشباب والبنات *لو شاركت والله مش هتندم*

اذهب الى الأسفل

الحوار الساخن بين الشباب والبنات *لو شاركت والله مش هتندم* Empty الحوار الساخن بين الشباب والبنات *لو شاركت والله مش هتندم*

مُساهمة من طرف Combat الإثنين يناير 25, 2010 3:12 pm

وبالنسبه لموضوعك بجد ملاحظه رائعه وسؤال دايما بتسئله لما اعمل التوبيك دة في اي مكان

انتي بتقوليلي متقولش البنت اللي اللي بتستفذ الشاب بلبسها يعنى

ليه مقولش كده لان اكتريت البنات الى بتتعاكس بيكون مصدر المعاكسة الاول هو اللبس اللبس اللبس

بجد يا بننيت لاسباب المعاكسات والتحرشات اللي بنشوفها في الشارع هتلاقي كذا سبب

اهمهم التربيه الغير سليمه للشاب اللي بيعاكس
وافلامنا المصريه اللي ربنا يخليهالنا اللي بتعلم الشاب الالفاظ اللي يعاكس بيها البنت وما اكثر هذه الافلام وهذه الالفاظ


وسبب من الاسباب لبس البنت كل لما يكون محتشم كل لما تقل المعاكسات

يعني اللي لبس لبس غير محترم مفتوح هتتعاكس طول ما هيا ماشيه
اللي لابسه لبس غير محترم بس مش مفتوح هتقل المعاكسات ليها
اللي لابسه لبس محترم ومحجبه هتقل المعاكسات ليها
اللي لابسه نقاب هتقل جدا جدا جدا المعاكسات ليها

استحاله تتساوي الاربعه في المعاكسات

بصي اي بنت مليون في الميه نازله الشارع هتتعاكس بس زي ما قولتلك حسب لبسها وحسب احترمها لنفسها في الشارع

وهقولك موقف بيوضح حكايه احترام النفس دي

مرة كنت انا وبنت خالي واختها وصاحبتهم ماشيين في الشارع عندنا في الجيزة الساعه 10 باليل تقريبا المهم صاحبه بنت خالي قالت نكته التانيين ضحكوا عليها بصوت عالي وانتي عارفه ضحكه البنات
فجأه لقيت شباب معديين بعربيه قالوا لفظ مش كويس
لو كنت شايف ان بنات خالي وصاحبتهم محترمين نفسهم في الشارع واتقال عليهم كده انا كنت اقل حاجه عملتها رديت اللفظ للي شتم

بس علشان شايف انهم غلطانيين هزئتهم انا اكتر

وعاوز اقولك حاجه تانيه ممكن تلاحظيها كتير لانك بنت واكيد يعني عندك اصحاب بنات كتير جدا

البنت لما بتيجي تنقي لبسها تقعد تقول ايوة دة حلو دة جذاب اكتر اللون دة احلي انا هلبس دة النهاردة
انا هعمل استايل شعري دة النهاردة وتنزل الشارع انا عن نفسي مش بعاكس بنات مشيت مثلا جنبي انا كالعاده مش بصتلها تقعد تقول بقي انا قولت بلاش التونيك الاحمر اكيد شكله وحش وشعري وحش وتقعد بقي تقول انا وحشه وانا وانا

بجد بشوف من الاشكال دي كتير

من خلال التوبيك دة انا بقدم نصيحه للشباب ياريت يمشوا بيها

مش هقولك بقي حوار متعاكسش ولو عندك اخت ترضي تتعاكس لان دة كلام محدش بيسمعه اساسا وتعبنا من كتر تكراره

هقولك اعمل زي ما انا بعمل
ليه انتا تعاكس البنت ليه تذل نفسك وكالعاده يا تتهزء يا اما متردش عليك وبرضه كده يعتبر تهزئ دة غير نظرة الناس ليك في الشارع دة غير ان ربنا شايفك

ليه تعمل في نفسك كده وايه فايده المعاكسه دي
فكرك مثلا ان البنت هتلف وانتا بتعاكسها وتقولك انتا فتي احلامي انتا تامر حسني انا بحبك انا بموت فيك؟؟
يبقي ايه فايدتها بقي؟؟؟؟؟

نفسي اعرف ايه فايده المعاكسه ؟؟

نفسي حد من اللي بيعاكسوا البنات يقولي فايده واحده ؟؟؟

يا اخي بنت لابسه لبس مش محترم ان شالله تكون مش لابسه حاجه خالص انتا مالك؟؟؟؟؟؟؟؟
ليها رب يحاسبها مش انتا اللي هتحاسبها يا اخي
ربنا امرك بغض البصر

والكلام دة كنت بقوله لاصحابي والله يا بنوته قبل رمضان كنا دخلنا نقاش حاد وصل للخناقه بيني وبينهم بجد

واحد من اصحابي اللي للاسف بيعاكسوا بنات بيقعد يقولي مش عارف اعمل ايه نفسي ابطل بس كل لما بشوف بنت لابسه لبس قذر بعلق عليه وبعاكسها
قولتله طب وفين غض البصر ؟؟

قالي مبقدرش اتحكم في نفسي
قولتله انتا في رمضان بتعمل كده
قالي لا طبعا انتا عبيط عاوزني افطر
قولتله خلاص رب رمضان هو هو رب الشهور التانيه

اشمعني بس في رمضان بتغض البصر وبتقدر تتحكم في نفسك؟؟

قالي دة علشان رمضان بس

قولتله لو دلوقتي اختك ماشيه قدامي وانا واد بعاكس كل البنات وشوفت اختك هعاكسها
قالي لا
قولتله اهو ما انا قدرت اميز بين اختك والبنات التانيه
يبقي انا عندي قدرة غض البصر اهو

لا وكله كوم بقي والشيخ اللي كنت هتخانق معاه كوم تاني

كنا برضه بنتناقش مع شيخ بخصوص غض البصر
ونفس صاحبي بيسئلوا اعمل ايه يا شيخ

تخيلي الشيخ قالوا ايه؟



قاله لو شوفت بنت لابسه لبس مش كويس روح في وشها قولها "لعنكي الله"

قومت انا قولتله بالذمه دة كلام يا شيخ
الدين بتاعنا علمنا كده
اروح لوحده اقولها الله يلعنك في الشارع كده
الاسلام علمنا كده

قالي ما انتا لو قولتلها كده مش هتنزل الشارع باللبس دة تاني

قولتله الدين بتعنا معملناش كده
علمنا نغض البصر
وربنا قادر بقي انه يخليها تغير لبسها وهو اللي يحاسبها انما ايه لعنكي الله دي
وسبتهم ومشيت وقولتله انتا متعرفش اي حاجه.

دة بخصوص الموضوع ده
اظن انا اتكلمت بشرح وافي عن كل الموضوع
ايه رأيك
اقتنعتي بقي ولا لسه؟؟

وفي انتظار اي سؤال تاني
انا جاهز
نورتو التوبيك يا شباب ويا بننيت وعايز تفاعل اكتر فى التوبيك لكى يتم تسبيتة
Combat
Combat
مرجاوى جديد
مرجاوى جديد

ذكر
عدد الرسائل : 20
العمر : 28
الجنسية : مصرى مرجاوى اصيل
العمل : طالب
البلد : ميت مرجا سلسيل
مزاجى : الحوار الساخن بين الشباب والبنات *لو شاركت والله مش هتندم* Qatary38
الهوايه : الحوار الساخن بين الشباب والبنات *لو شاركت والله مش هتندم* Sports10
المهنه : الحوار الساخن بين الشباب والبنات *لو شاركت والله مش هتندم* Studen10
رقمى المفضل : من واحد لعشرة
تاريخ التسجيل : 04/01/2010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى