نداء الحبيب

حبيبي ناداني
بسحره رماني
و غرقت معاه
في بحر الهوي
حسيت براحة
و جنة و واحة
و الحب صراحة
جمعنا سوا
فرحت أرواحنا
و داوينا جروحنا
و كل أفراحنا
عشناها سوا
لو شيء همني
حضنه يضمني
و بسمته تسرني
و أنسي ما جري
لو طال ظلامي
و زادت آلامي
ألاقيه قدامي
يشاركني الجوي
قلبه مليان حنان
و كلامه ألحان
و سحره فتان
يفتن كل الوري
لو ساعة يفارقني
الشوق يموتني
و أعيش بحيرتي
و بالنار قلبي ينكوي
و لما يظهر تاني
تروح مني أحزاني
و ألاقي كل وجداني
استسلمت للهوي