لو مسكت ادارة المنتدى 24 ساعة ماذا ستعمل ! ! !

لو مسكت ادارة المنتدى 24 ساعة ماذا ستعمل ! ! !



بسم الله الرحمن الرحيم


السلام عليكم ورحمة اله وبركاته


اخواني واخواتي اعضاء منتدى المرجاويه



بحكم تواجدنا في هذا المنتدى وتبادل النصائح والمعلومات الجيدة


فاصبح يمثل هذا المنتدى جزء هام من حياتنا اليومية لكل شخص منا


ولكل منا ارائه ومقترحاته في تطوير هذا المنتدى


ومن هذا المنطق فاني استاذن ادارة الموقع في طرح هذا الموضوع حتى نرى


افكار كل عضو ومقترحاته لهذا المنتدى.


ولذلك فاني اطرح السؤال التالي:
ماذا ستعمل لو امسكت ادارة منتدى المرجاويه ــ 24 ساعة ؟
شاركوا معايا
اتمنى من كل عضو من الاعضاء


انه يقول اللى فى نفسه وايه اللى ممكن يعمله في 24ساعه
ارجو المشاركه

موضوعك جميل فجر الإسلام

ولكنى أعتقد أنه
لطالما انه لا يوجد حذف أو مصادرة لأية أفكار من قبل الإدارة واقتصار دور الإدارة الحالية - والمتمثلة فى المشرف العام - فقط على التنظيم ربما الجانب التقنى
إذا فإدارة المنتدى الحقيقية هى بالموضوعات البناءة والمشاركات المفيدة والآراء السديدة
وحقيقة ارى أن إدارة المنتدى بالفعل مكفولة لجميع الأعضاء بمعنى أن الراى الذى له الغلبة فى اى موضوع لهو الرأى الأصح والذى يستطيع ان يقنع به باقى السادة الأعضاء
فليعتبر كلا من السادة الأعضاء نفسه مديرا بالمنتدى ليس لمدة 24 ساعة بل لمدة 24 سنة
وأعتقد أنه ما كان لعضو ان يطلب تعديل أو اضافة أو استبعاد أو اعتذار او استبيان او ما شابه ذلك باسلوب منطقى ومقنع ويصدق علي رأيه باقى السادة الأعضاء إلا وتستجيب الإدارة لمرئياته
إذا فالإدارة الحقيقية فى الرأى السديد
شكرا
ونحييك ثانبة على موضوعاتك القيمة

السيد الاستاذ المشرف العام
حمد الله علي سلامتك
بصراحة لما اشوف موضوع او تعليق ليك
بابقي سعيد جدا
منورنا
وبعدين مفيش عضو يقدر يحل مكانك بابداعك وتنظيمك الشيك والممتاز للمنتدي
وزي ماسيادتك قولت
كل عضو بالمنتدي اكيد هو المدير العام بكتاباته ومشاركاته
اشكر كاتب الموضوع
في اختيار موضعه الشيق والجميل
بالنسبة لي لو بقيت المشرف العام
ياخبر
دانا هاعمل عمايل
اول حاجه لازم يكون هناك نوع من الدعم المادي والمعنوي للاعضاء
فيه ناس بتتعب في متابعة المواضيع والتنسيق والاشراف
لازم ياخدوا حقهم
لابد وان يكون هناك نوع من لاهتمام بالاستفتاء على مواضيع تخص بلدنا ميت مرجا مثل موضوع عضو لمجلس الشعب
المسابقات العلمية والثقافية ولابد ان يكون هناك حافز حتي لو رمزي
اختصار لصفحات المنتدي فهناك كثير من الصفحات اعتقد ليست ذات اهمية
حتي يكون تصفح كامل صفحات المنتدي اكثر سهولة ويسر
فهناك صفحات اعتقد لااحد من الاعضاء يدخل عليها اطلاقا حتي مفيش مواضيع فيه من الاساس
باحي الاعضاء المتميزون والمهتمين بهذا الصرح
امتياز
الاستاذ علي مجاهد
فجر الاسلام
ايمن الشال
بلدي
مصري
طبيب جراح
سكة محلب
الجميلة النائمة
قمر الاقمار
دموع القمر
ميدو هنري
محمد المحمودي
جنات
مسلم
حمادة
وياريت يسمحوني الاعضاء اللي نسيتهم
والله بجد رجال المنتدي انا بابقي سعيد جدا بكتاباتهم وتعليقاتهم الجميلة والشيك
وجمتم بالف خير

اولا موضوعك جميل جدا يا فجر يا قمر
موضوع مهم جدا لتبادل الأراء فيه
اولا هقوم بعمل مشرف على كل قسم
متواجد باستمرار بالمنتدى لان معظم الاقسام المشرفين اللى بيشرفوا عليها
غير متواجدين بالمرة تقريبا داأ ول حاجة هعملها

اولا انا سعيدة جدا بالردود الهايله دي.. وكمان من اجمل الاعضاء اللي بحب اشوف ردودهم ومواضيعهم وبيسرني تواجدهم او مساهمتهم في اي موضوع ليا بحس ان الموضوع زاد اشراق وبريق
بشكر الاستاذ / علي
وفعلا رأيك صائب جدا وانا بتفق مع حضرتك ان الادارة الحقيقيه هي المواضيع والمعلومات القيمة
_______________________

بشكر المشرف العام
وانا مش بنق والله هههههههههههههه دي مجرد فكره بس عشان اشوف اراء الاعضاء وايه الاجمل اللي ممكن نقدمة للمنتدي
وبجد شرفتني جدا
__________________
الاستاذ / مختصر
شكرا لرد حضرتك وبجد جزاك الله خير ومنور مواضيعي
انا بتفق معاك ان في بعض الاقسام مش لها لازمه هنا ولا حد متابعها ويستحسن انها تحذف لان زي ماحضرتك قلت صفحات زايدة وكل ماتكون الاقسام قليله وهادفه وفيها مواضيع جميله هنقرأها كلها
لكن منتدي الفنون والافلام والمسرحيات و.. اعتقد مش هادف خاااااااالص وكمان مش وراه منفعه علي الجانب الديني
ده رأيي
_______________________
اشكر جدا قمر الاقمار
ميرسي ع كلامك جدا
وزي ماقلت ان في مشرفين مش بنشوفهم ولا موجدين اطلاقا
اعتقد الاشراف ده لحد مجتهد ونشيط وفعال بمواضيعه
وانا شايفه ان ناس مظلومه بتعمل مواضيع هايله ومش ف الاشراف
وناس مشرفين مش بنشوفهم غير ف الاعياد
ودي وجهة نظر المشرف العام وسوري لو تدخلت فيها
____________________
شكرااااااااااااااااااااااااااااااااااااااااااا

لو يسمحلي كاتب الموضوع اكمل مانتهينا عنده
بالنسبة لصفحات المنتدي
ومن وجهة نظري الشخصية
منتدي الموالد والاضرحة مالوش لازمة
منتدي احساس شاعر برضوا لانه فيه منتدي اسمه منتدي الشعر والخواطر يعتبر كافي
منتدي رياض الاطفال ياريت يوقلنا المشرف العام ماهية توجهات هذا المنتدي
هيكتب فيه الاطفال اللي في الروضة
المنتدي الفني صفحاته كتيرة ياه ممل
منتدي الجن والعفاريت منتدي اكثر من رائع...انا مش عارف ايه اللي هنستفاده من الجن ولا العفاريت
احنا ياعم امتياز جتتنا مش خالصة وملمسين لوحديني ...مش ناقصة لبش
...........................................................
تعرفوا ياشباب
لو يسمحلي المشرف العام بعمل صفحة لبث تسجيلات مناسبات لميت مرجا
من زواج وخطوبات وافراح وحتي العزاء
هتبقي صفحة شيك وجميلة وممكن يكون المشرف عليها ابراهيم نجاح
حتي حفلات المدارس والعاهد
انشالله تكون طهور حتي
هيفرح بيها جدا الاعضاء المغتربين في الدول العربية او الاجنبية وللحديث بقية
ودمتم بود

ها مافيش اقتراحات تانيه من جانب الاعضاء؟؟؟؟

هلغي أكتر من نص مواضع المنتدي

لية كدة ياابو الاحلام

بسم الله الرحمن الرحيم
بالنسبه للموضوع لو مسكت المنتدى 24 ساعه هعمل ايه
اولا هعمل دعوه للتعايش؟
بمعنى ان كل واحد فينا يطرح مشكلته بدون تصريح باسمه ونحلها مع بعض
المنتدى عمره ما كان شكل نتباهى بمنظره الجديد وكثره اعضاءه
منتدى ميت مرجا يعنى
الحب
التعاون
الامتيازفى كل شى
بجد
ايدنا فى ايد بعض علشان نكمل الطريق وايد واحده متسقفش

انا فعلا مع محمد حلمي في مواضيع كتير للاسف مش هادفه نهائي واللي بيغيظ اكتر في مواضيع تستحق النقاش ومش بلاقي ردود ع الاعضاء وكمان لو في ردود بتكون( شكرا_ موضوع رائع_ موضوع ....) وهكذا يعني مافيش تحليل للموضوع وكمان مثلا السباب والفاظ مش كويسه بالمرة ونقد هدام المفروض المشرف العام يكون واخد باله من الحاجات دي

والله مشرفة القسم او مشرف القسم هو المسئول على اشرافة فى حذف المواضيع او تعديل اسلوب او المراجعة النهائية على اشرافة
وليس تخصص المشرف العام

انا اقصد ان ف اقسام مالهاش مشرف فحضرتك مسئول عن الحذف او التعديل
او في اقسام لها مشرف بس احيانا بيغيب لفترة معينه بسبب ظروف فحضرتك برده مسئول عن التعديل او الحذف يعني المسأله مش مسأله اشراف المهم ان الجانب الكويس يظهر واللي محتاج تعديل يتعدل سواء من مشرف القسم او المشرف العام المهم يبقي في تواجد