نداء للمشرف العام

عندي شويه اقتراحات اتمني من باقي الاعضاء يوافقوني عليها وحضرتك تقوم بتنفيذها طبعا مرجوا لا مأمورا
اولا/
حضرتك قلما نجدك متواجد ف المنتدي وقلما نجدك ترد وتناقش المواضيع المطروحه
لذا فيجب عمل التالي
حضرتك تدخل وليكن ساعه ف اليوم ترد علي كل المواضيع اللي اتكتبت من جانب الاعضاء وتحلل الموضوع من الناحيتين السلبيه والايجابيه ولو كويس يبقي تشكر كاتب الموضوع وتقدم له الدافع المعنوي ويا حبذا لو كان مادي
هههههههههههههه
ماتخافش خلينا ف المعنوي بس
ثانيا/
في اقسام كتييييييير في المنتدي مالهاش اي فائده ولا حد بس بيفكر يروح عندها
والواحد حاسس انه ف مغارة علي بابا ولايص مش عارف يروح فين ولا يجي منين هو طالع بالماوس شمال يمين فوق تحت لما الواحد ايدة بتقف
يبقي حضرتك تشوف الخريطه الاتيه ولو عجبتك اوكي خير وبركه علي التنفيذ ع طول ولو ماعجبتش حضرتك يبقي تحاول تخفف الاقسام بقدر المستطاع
عندك
المنتدي كويس جدا لغاية الملتقي الاسلامي تمااااااااااااام؟
تمام
من الملتقي الاسلامي بقي وتحذف كل حاجه فيه وتسيب
منتدي الفكر الاسلامي
الاحاديث القدسيه والنبويه
الدفاع عن الرسول
رجال حول الرسول... وده يتكلم عن حياة الصحابه والصحابيات فقط ومواقفهم مع الرسول
ثانيا/الملتقي الادبي
تحذف كله وتسيب
منتدي الشعر والخواطر
منتدي القصص والروايات
المشاكل العاطفيه ... ع لو حد عنده مشكله ولا حاجه تشاور فيها ونحلها ... قال ايه حلينا مشكلة الشرق الاوسط وفاضين احنا نحل مشاكل الحبيبه
ماعلينا
ثالثا/ الكمبيوتر والانترنت
تحذف كله وتسيب
منتدي البرامج المشروحه
منتدي التليفون المحمول
وده بقي اي حاجه تخص الحاسوب تكون شامله منتدي البرامج المشروحه
رابعا/ الملتقي الرياضي
الرياضه المصريه
الرياضه العالميه
الجمهور الاهلاوي والزملكاوي
خامسا / الملتقي التعليمي
ده بقي يكون خاص بالتعليم كله من ابتدائي للجامعه وازهري وعام
سادسا/الملتقي الفني
منتدي النكت
الالعاب والتسالي
مسابقات الاعضاء
سابعا/الملتقي الطبي
منتدي الطب وعلاجه ومالناش دعوة بالعفاريت والجان اعوذ بالله
ثامنا/ البيت المرجاوي
منتدي البنات
منتدي الشباب
منتدي الطبخ
المرجاويه ف الغربه
والمنتدي ده يتكلم عن
اي حد مسافر يتكلم عن احواله هناك والمشاكل اللي بتواجهه وموقفه حيال بعده عن وطنه واهله وهكذا
ونستضيف كل اسبوع عضو نسأله شوية اسئله زي مثلا
اكله مفتقدها
مين اكتر حد نفسه يشوفه اول مايرجع مصر
طموحاته احلامه
هدفه ف الحياة
وهكذااااااااااا ............ الخ
تاسعا / القضايا
اي حاجه تخص القانون ومبادئه ودستوره
في النهايه بقي
نعمل كل اسبوع استفتاء عن احسن عضو وعضوة واحسن موضوع وهكذا والفائز نعمله شهادة تقدير
وبكده كله هيساهم ونكسر حاله الملل اللي حلت ع المنتدي
وكفايه كده عشان ايدي وجعتني اوي
عاوزة ردووووووووووووووووووووووووووووووووود

ههههههههههههههههههههه
والله المنتدي بالاختصار هيبقي اجمل ع الاقل هنطالع كل المواضيع الجديده
والبحث والمراجعه ده هيطول ولا ايه؟؟
الاجازة هتخلص اهي ورمضان داخل
يعني ياريت تعجل بقي عاوزين نشوف المنتدي ف ثوبه الجديد

ايوه والنبي يا امتياز اصل المنتدي ده جميل جداااااااااا بجد بس الواحد مش عارف يشوف ايه ولا ايه يدوب بيشوف اللي علي الوش بس
وبعدين هي فجر عمرها تقول حاجه غلط؟؟؟؟؟؟؟؟
يلا ياعم علي خيرة الله انت لسه هتتناقش ف الموضوع

انا اؤيد كلام فجر
فالمنتدى مع تعدد اقسامه نجد كل واحد مش مركز هو بيعمل ايه

واؤيد ايضا فكره الاخ
خطر
لان منتدى المرجاويه فى الغربه مش واخد حقه خالص
وتقريبا ممكن نقول اسم مش على مسمى
فنرجوا التجديد
وشكرا