اسئلة هامة للبنات والشباب ارجو الاجابة

من طرف **الشقى** الثلاثاء أكتوبر 27, 2009 11:39 am

هذه للشباب

مانظرتك للبنت ذات الملابس الخارجة على الادب...؟؟؟؟

_ هل تحكم على اي بنت بمجرد النظر الى لبسها وماهو حد الحشمة عندك...؟؟؟؟

_ عندما تقف امام بنت محتشمة الملابس وتحس انها فرضت احترامها عليك شو يكون رايك فيها...؟؟

- هل لحشمة الملابس دور في احترام الفتاة ام انها قناع زائف لدى بعض البنات...؟؟؟؟

_ هل تعتقد ان الغزو الفكري من اوصل اغلب الشباب الى نشر فضايح البنات...؟؟!!!

هذه للبنات ...

_ماسبب مضايقة الشاب للبنت في الاسواق...؟؟؟؟

-هل تعتقديين ان الشباب هو من يبدأ في معاكسة البنت...؟؟؟؟
الموضوع الأصلى من هناماسبب عدم احتشام البنات اثناء خروجهم...؟؟؟؟

-هل تعتقدين ان التفتح هو سبب ظهور هذه الفتن مثل الكليبات والفضائيات الهابطة...؟؟؟؟

- هل تدخل اسرتك في انتقاء ملابسك يضايقك ويحسسك بعدم الرضاء عن نفسك...؟؟؟

-تعتقدين ان ملابس البنت تفرض احترامها عند الخروج من بيتك...؟؟؟؟

- مامدى تاثير اصدقائك على طباعك وشخصيتك...؟؟؟؟

عجبتني الاسئله

فنقلتها الى حضراتكم كى نعرف سبب هذهى المشكلة

لكم تحياتى واحترامى ومنتظر ارائكم

اولا موضوع اسئلته جميله وبشكر كاتبه
_________________
ماسبب مضايقة الشاب للبنت في الاسواق...؟؟؟؟
الفراغ وبقصد بالفراغ (الفراغ الفكري) وسوء التربيه_ اضمحلال الاخلاق والعلم_ واكيد لبس البنت بيلفت النظر بس لو توافر ف الشاب الخلق والتربيه الحسنه اكيد هيغض بصره ولا كأنه شاف حاجه
-هل تعتقديين ان الشباب هو من يبدأ في معاكسة البنت...؟؟؟؟
اكيد بس للاسف بقينا نشوف افعال بتصدر من الفتيات يندي لها الجبين ودي من علامات الساعه لما نشوف بنت هي اللي ممكن تكلم ولد وهو ماشي وده اكيد نادر
الموضوع الأصلى هناماسبب عدم احتشام البنات اثناء خروجهم...؟؟؟؟
والله لها اكتر من اجابه منها ان الاب والام بقي شئ ايزي ان بنتهم تكون لابسه بدي علي بنطلون جينز او قصير او ضيق وبيكونوا مبسوطين اوي ان بنتهم حلوة وهتمشي تتعاكس
ثانيا/ان في بنات بتعتقد انها لما تلبس كده العرسان هيكتروا واكيد الطيور علي اشكالها تقع.....او في بنات بتكون مبسوطه انها محط اعجاب الناظرين لما يقولوا انها حلوة
ثالثا// في بنات بتقول انا عاوزة اعيش سني واعمل اللي انا عاوزاه قبل مااخلص جامعه لاعتقادات خاطئة بتتفاوت من كل بنت وبنت
رابعا والاهم/غياب الوازع الديني والفضائيات محت كل حاجه جميله توارثناها بالفطرة وكل بنت عاوزة تقلد الفنانه الفلانيه ف لبسها او كلامها ..الخ
دول بعض الاسباب واكيد في اكتر
-هل تعتقدين ان التفتح هو سبب ظهور هذه الفتن مثل الكليبات والفضائيات الهابطة...؟؟؟؟
اكيد الكليبات والافلام والفضائيات لها عامل كبير ف ظهور الفتن بس ليه انا ادور علي السئ واشوفه مافي فضائيات بتاخد بأيدينا للجنه
اعتقد الاسرة هي العامل الاكبر لما تبني الاساس علي متانه وصرامه اكيد هيفضل متين ع طول لكن لو البناء هش وضعيف اكيد اي شوية هواء هيدمروه
- هل تدخل اسرتك في انتقاء ملابسك يضايقك ويحسسك بعدم الرضاء عن نفسك...؟؟؟
لا طبعا ده شئ بيسعدني جدااا لما تكون حاجه مش مناسبه ليا كفتاه مسلمة ووالدتي تقولي بلاش او والدي او اخواتي
-تعتقدين ان ملابس البنت تفرض احترامها عند الخروج من بيتها...؟؟؟؟
اعتقد اه بس الاحتشام مع السلوك لان بشوف بنات محتشمة بس للاسف صوتها عال جدا ف الشارع وبيتكلموا بطريقه لاتمت للحياء بصله فمنين هيجي الاحترام
اكيد لازم سلوك مع احتشام عشان يولد وينتج احترام الناس
- مامدى تاثير اصدقائك على طباعك وشخصيتك...؟؟؟؟

والله انا ليا كاريزما خاصة بيا صعب اتأثر بحد او حد يغير حاجه فيا وماعنديش حتة الاندماج مع الصحاب عشان يأثروا سواء بالسلب او الايجاب بس بتقبل النصيحه بصدر رحب

اســـــــــــــــــــــــئله جميله وجزاك الله خيرا ويارب ردودي تكون كويسه

اسئلة هامة للبنات والشباب ارجو الاجابة

اسئلة هامة للبنات والشباب ارجو الاجابة

رد: اسئلة هامة للبنات والشباب ارجو الاجابة