بتحبها وهي كمان بتحبك ادخل وشوف النصايح دي

السلام عليكم ...

بتحب واحدة وعاوز تحافظ عليها ومتخلهاش تتخلى عنك ولا تبعد عنك ابدا يبقى التزم بما يلي

1- راعي الله فيها واتمنى لها ما تتمناه لاختك .. يعني تحبها بجد وتخاف عليها ومترضاش انها تعمل حاجة غلط عشان تنبسط سيادتك .. وخاف عليها زي ما بتخاف على اختك واكتر.

2- خليك حنين معاها وتعاملها بحنية مش تبقى قاسي .. بمعنى انك تسمعها وتحاول تفهم وجهة نظرها .. اقتنعت بيها اوكـ .. مقتنعتش خلاص .. وخلي دايما الفيصل بينك وبينها الدين .. يعني تشوف ربنا قال ايه وتعمله.

3- معظم البنات بيكونو عاوزين اللي بيحبوه راجل بمعنى الكلمة .. يعني يكون ليك شخصية مستقلة مش تابع لاي حد واللي يقولوه اصحابك تمام وانت ملكش كلمة ولا راي .. مش معنى كدا انك متاخدش راي اصحابك بس ميبقاش كل كلامك زيهم يعني من الاخر تسمع لهم بس اللي انت تشوفه صح تعمله مش اللي هما يقرروه .. فاهمني ؟؟

4- لو حصل موقف زعلك منها متتقمصش يا اخويا وتسبها او تقفل ف وشها التليفون او الاميل .. قولها انك زعلان منها عشان كذا وتديها فرصة تدافع عن نفسها وتوضح هيا تقصد ايه مش تدخل انت زي وكيل النيابة وترميها بالاتهامات وانتي وانتي ... الخ .. لا اسمعها للاخر وشوف هيا قصدها تزعلك ولا لا .. لانها ممكن تكون متدايقة وطلعت كلمة غصب عنها متبقاش رزل وتزعل لاي سبب كان.

5- لما تكلمها بعد فترة كدا مش شرط تكون طويلة حتى لو دقايق تقولها .. و ح ش ت ي ن ي .. مش عارف الوقت دا عدا من غيرك ازاي ان كنت حاسس اني وحيد من غيرك ... الخ الكلام اللي انتو عارفينو دا.

6- لو في مرة بتكلمها وحسيت انها متغيرة .. ممكن يكون في حاجة عندها في البيت مديقاها .. حاول تعرف منها سبب تغيرها .. وقولها مالك يا حبيبتي في ايه .. هتحكيلك باه ال ماما كذا - بابا كذا .... الخ .. تكلمها وتحاول تنسيها مشاكل البيت والعيلة .. وتدلعها على اد ما تقدر لحد ما تنسى حتى نفسها وتبقى فاكرة انها معاك وبس.. ومش هقولكم تقولوا ايه لان كل واحد ادرى بالكلام اللي بيرح حبيبته.

كفاية لحد هنا تعبت من كتر الكتابة

نعم

وبعدين

والله ياجاهل مفيش بنت تستاهل

اية الاحباط دة ياجماعة
لية مفيش بنت تتستاهل
امال الولد اليستاهل
الكلمة دى ناس كتير بتقولها
لية مش عارف
اية المشكلة
ان يكون بين الطرفين
تفاهم وحب وسعادة
مشكور كاتب هذا الموضوع

ايه ياعم خطر
دى وجه نظر ى فى البنات
كل واحد له وجهه نظر ويجب ان نحترم وجهه نظر الاخريين
منتا عارف

اسمحوا لي ان ابدي رأيي في هذا الموضوع بغض النظر عن كوني اؤيد او ارفض ولكن دعوني ارد علي كل من الاعضاء الذين قالوا بأنه لايوجد بنت تستاهل
لا تستاهل والدتك حبك وعطفك وحنانك عليها؟؟؟؟
ام مازلت تؤيد رأيك
اختك لا تستاهل تضحيتك وعطفك وحنانك؟؟؟
ام مازلت تؤيد رأيك
زوجتك؟؟؟ ان كنت متزوجا او فيما بعد ان شاء الله
تحملها غربتك وحفاظها عليك وانتظارها لمجيئك لوطنك سالما ..... لا تستاهل حبك ووفائك لها؟؟؟
ام مازلت تؤيد رأيك
لماذا تنظرون للفتيات هذه النظرة التشاؤميه
الفتاه هي المجتمع وهي البنيه واللبنه الاولي
امنا عائشه وخديجه وباقي امهات المسلمين ألم يقول رسولنا شعرا ومدحا وثناءا فيهن؟؟؟؟
اخي...........
لماذا تعمم بأن اناث حواء لا يمثلن شئ؟؟؟؟
انظر حولك وتخيل مجتمع بدون فتاه؟؟؟؟؟؟
ستجد بأن ليس لك وجود من الاساس
اراك قد حكمت علي بعضهن ولكن لا تعمم فهناك من يستحق الكثير والكثير
ودمت بألف خير

السلام عليكم
حتقول اية ياسكرنة
بعد الرد دة
لسة بردة مفيش بنت تستاهل
ولا غيرت رأيك
؟؟؟؟؟؟؟؟؟؟؟
؟؟؟؟؟؟؟

السلام عليكم
اخى العزيز خطر
انا عندما قلت مفيش بنت تستاهل لم اقصد الام او الخت او الخاله او العامه وهكذا ولكن كنت اقصد البنت (المرأه) الذى تحدث عنها القران الكريم فى سوره يوسف
ان كيدهن عظيم
شكرا لك خطر

ميرسي علي ردودكم وتفاعلكم في الموضوع