مهما تعملي فيا انا زي مانا

من طرف **ادهم مصر** الأربعاء ديسمبر 16, 2009 10:42 am

[size=24]
[size=21][size=21]مهما تظلمي فيا
برضو هفضل بحبك
وعارف وشايف
حبي مكلبش في البك
وبرضو بتظلمي فيه
وبرضو العيشه مش هيه
وصبح اخواتي حراميه
نسو خيرك نسو حبك
بس انا زي مانا بحبك
هحبك لاخر طابور وقفت انتظر
هحبك ليوم ما يقولو انقسم القمر
بس يا غاليه حياتك صعبه
من صعوبتها هويت الغربه
ماتزعليش مني انا برضو بشر
لكن زي مانا بحبك
تاريخك حفظته وممكن اسمع
بطوله ولادك ومجدك بيلمع
لكن مش كفايه
الصبر له نهايه
عايزين حاجه تانيه باسمك تلعلع
واكون زي مانا برضو بحبك
طريق الصعاب امشيه لاجل خاطرك
واموت او اعيش المهم اني ناصرك
بس نفسي اعيش اليومين اللي ليه
ابرطع في خيرك وعيشه هنيه
ولا شيئ يفرق حضني عن حضنك
وقلبي عشيقك هيفضل يحبك
خيرك اللي لغيري كتير عمرة ما بينقص
واصحابه واللي جابوه محبوسين في قفص
عدسايه خدها الغراب من عنين كتكوت
ومات وعينه فيها لو الغراب ده يموت
وكل ايد تتمد تسرقك تنقص
ابنك هيكبر ويفضل يحبك

[/size][/size][/size]