للبنات فقط

من طرف **بلبل** الإثنين فبراير 11, 2008 6:47 pm

يــا بـنـا ااات
عـندي ليكـو كـاااام نصيحة
إنـــمـــا إيـــه؟؟؟
تعجبكو خـــالص

موضوع يضحك موووووت بس اقروه للآخر

آنستي العزيزة
لو ربنا فك عقدتك واتخطبتي
فإليك نصائحي حتى تأخذي بخطيبك من مركب الخطوبة
إلى محدش عارف ها ترسى على إيه

إلى مثوااااه الأخير في القفص
قصدي قفص الزوجية السعيد

أجمل ما في الخطوبة العزومااات الرووومانسية
على أحلى محلات أكــل ف البلد
واللي عمرك مانتي شايفاها بعد الجواز

المهم نصائحي لك عند أي عزومة مع خطيبك

قلنا رقـــّـ ــه

واحد: لازم تعرفي ان الشوكة والسكينة بيتمسكوا من إيديهم من الطرف
يعني مش م الوسط ولا م البوز ((زي الخنجر)) ولا من فوق >>> طبعـــا اااا

اتنين: ((العيش)) أووووعي تفضحينا وتقطعي الرغــيــف بسنـــانك ولا نصين بايـدك
>> أوعي <<
العيش بيتقطع بالسكينة ف الطبق
وبعدين تاخدي لقمة ... لقمة ... بالعافية
قال يعني نفسك مسدوووودة
اضغطي على أعصابك جدااا
وبعدين لما تروّحي [ندعوك للتسجيل في المنتدى أو التعريف بنفسك لمعاينة هذه الصورة] إبقي اعملي زي مانت عايزه

تلاته: الشووووربة (((بند الشوربة ده مهم جداااا)))
الشوربة تتشرب من غير صووووت خا اااالص
ومن غير ما تقعدي تنفخي فيهـــا زي القـهـوجــي اللي بينفخ ف الحجر للزبووون
وطبعا ااا عايزاكـي تنسي تمـــامـــا السلطانية اللي بتقيميها على بقك ف البيت
وتدلدقي على روحك
بالملعقه وبدون صوت
سخـــنــــه ... ولـــعـــه ... برضه بدون صووووت
وتسيبي تلت الطبق ع الأقل
مش تميليه عشان تـــلهطيها لآخر نقطة

أربعه: الرز طبعا بيتــاكل بالشوكة
أوعي إيدك تتمد ع الملعقة وتغرفي م طبق الرز وتعبي
أوعي الله يخليكي الرز بالشوكة وكأنك بتبوسيه مش بتاكليه

خمسه: المكرووونة ((الاسباكتي يعني))
برضه بالشووووكة
تتلف على طرف الشوكة لحد ما تخلص
وبعدين تحطيها ف بؤك من سكــــا ااااات
مش تشفطي المكرونة عــود عــود

سته: السمــك ((ده بــأه مشكلة))
شوفي
بتفصلي اللحم عن الشوك
إزاي؟؟؟
تقطعي اللحم من النص بالطول وبعدين تفردي اللحم ع الجانبين
ولما تخلصي ناحيــة متقلبيش السمكة
بـلاااااش
شيلي السلسلة بالشوكة والسكينة
وحطيها ف جنب الطبق وكملي أكل النص التـــاني
وبدل الفـــلم الهــندي دهـ ... نصيحة
ما تـــاكـــليش السمك خــــا ااالص
قولي ما بحبش السمك وخلصي نفســك

سبعه: الجمبـــري
أول ما طبق الجمبري ينزل
بصيله وتـنهـــدي جا ااامد وقـولي : بــرضــه ؟؟؟

آل يعني زهــآ ااانــه من كتر أكل الجمبري الجامبو ف بيت بـبـا اااايــا
وتروحي قاطعة راس الجمبريياية بالشوكة
أنا ف عرضك إنسي المصمصة دلوقتي

تمانيه: البطاطس مسلوقة أو محمرة
أوعي تهــرسيها وتدبـيـهــا ع الــرز
لآ لآ لآ
بالشوكة حته ... حته ...
وانتي زي ما تكوني ها تعيطي من كتر ما البطاطس صعبانه عليكي

تسعه: الفــاكهة
لو الفاكهة فيها بذر طلعيه من بؤك بالراحة
وحطيه ف إيدك وهي مقـفـولة
وبعدين ف طفاية السجاير اللي ع التــرابيزه
أوعي يا حبيبتي من نظام التفتفة للبذر
إنسي

عشره: ولما تخلصي أكل تحطي إيدك على بطنك
>> اللي عصافيرها بتصوصو من العينات التي كلتيها <<
وتقولي له :: مش ممكن أنا عمري ما اتفجعت كده
أنا قدامي أسبوووع هابطل أكل فيه
وبعدين تمسكي الفوطة ((اللي دايما موجودة ع التربيزة من غير لازمة))
وتبوسيها >> آل يعني بتمسحي بؤك <<

وبعدين تستأذني منه لدخول التواليت لإصلاح ماكياجك
وتخوشي التواليت وتطلعي من شنطة إيديك
لفة الفووول والطعمية اللي جايبــاهــا معاكي
وبــالهــنـــا والـشـــفـــــا
يا حبيبتشي

والله يا اخ بلبل الرسايل دى جامده

من طرف **عابر سبيل** الثلاثاء فبراير 12, 2008 8:11 am

هههههههههههههههههههه

حلو اوي اوي

بس بقوللك

مبلاش العزومه خالص

ووجع الدماغ ده

من طرف **سندريلا** السبت فبراير 23, 2008 10:27 pm

ههههههههههههههههههههههههههههههههه

اولا

ايه الى جاب عابر هنا

ودا للبنات فقط

ثانيا

نصايحك تفطس من الضحك يا بلبل

الواحده ماتاكلش من اصله بالطريقه الصعبه دي انا بقول بلاش شوك وسكاكين من اصله وناكل عادي كده بدون تكاليف يعني اخدع الراجل وبعدين يتصدم بعد الجواز وبعدين البنات بتاكل بالراحه مش زي الشباب مفاجيع ههههههههههههههههههههه وتاكل لحد ماتشبع امال اكل جاي بفلوس يترمي؟؟؟؟؟؟؟؟؟؟؟؟؟ولو فاض حاجه تطلب منه كيس يعبي الحاجات دي وتكمل لماتروح البيت ولا ايه؟؟؟؟؟؟؟؟؟؟؟؟؟؟؟؟تفتكروا هايودلها الدبله بعدالموقف ده ؟؟؟؟؟؟؟؟؟؟؟