ادخل وادعي معانا

من طرف **بلبل** الجمعة فبراير 15, 2008 10:10 pm

دعـاء كل المصريين

اللهم أنقذنا من نفسنة الزملاء
وغباء الأصدقاء ومفاجأة الأعداء
اللهم ارحمنا من استبياع الجيل الجديد
وحرائق السكة الحديد
واستقصاد كل مدير
ونداله القرايب الصغير منهم والكبير
*******
اللهم أغثنا من كل عميل.. ومن فواتير موبينيل
اللهم ارحمنا من تشريفه عربيات المسئولين
وزحمة الشوارع في كل حين
وسحب الرخص في كل كمين
من الغلبان مش م المتين
اللهم اهدى لنا سواقين الميكروباص
ومدير الشركة البصباص
اللهم ارحمنا من الشئون القانونية وشئون العاملين
واللي بيقفوا في وسط الشارع فجأة وبدون إشارة يمين
*******
اللهم قنا شر الكليبات
وشر شلل البنات
ولؤم الستات وغباوة الحموات
والمينيمم تشارج كافيهات
وهيافة الصحف والمجلات
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقوع السيرفر وقفلة السايتات
*******
اللهم ارفع مستوى الفريق القومي
لمستوى إنبي والحدود.. أو حتى مستوى أسمنت أسيوط
أو أرسل يارب عليه صاعقة
بدل ما يخلونا نموت
اللهم اجعل الدكتور محمد شعلان مديرًا للمنتخب
والدكتور يحيى الرخاوي.. مدربًا عامًا
والدكتور أحمد عكاشة.. رئيسًا لاتحاد الكرة المصرية
حتى يعالجوه.. من الهبل والعبط.. يارب العالمين
*******
اللهم سدد أقساطنا.. وضلل عنا مآمير الضرايب
اللهم ارزق جيل الوسط عقود عمل في ليبيا وقطر
اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح
اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب
وصاحب التصريحات النصاب
*******
اللهم ارزق كل بنت بعريس هدية..
وكل شاب بوظيفة وشقة وعربية
اللهم أحرق الـ 0900
واضرب الحرامية بالحرامية
ونجح أي طالب في أي كلية
آميــن يارب العالمين

من طرف **الخواجه** السبت فبراير 16, 2008 10:03 pm

يارب يارب يارب

آمــــــــــيـــــــــن
يلا ياجماعه ندعى شويه

من طرف **عابر سبيل** السبت فبراير 16, 2008 10:48 pm

اللهم أغثنا من كل عميل.. ومن فواتير موبينيل

امــــــــــــــــــــــــــــــــــــــــــــين
امـــــــــــــــــــــــــــــــــــــــين
امــــــــــــــــــــــــــــــــين

ادخل وادعي معانا

ادخل وادعي معانا

رد: ادخل وادعي معانا

رد: ادخل وادعي معانا