منتخبنا الوطنى *** ياترى مين وراه ***

السلام عليكم ورحمة الله وبركاته
تأخرت كثيرا وكثيرا فى انزال تلك الكلمات البسيطه عن منتخب مصر بعد الفوز ببطولة افريقيا 2008 بغانا
والحقيقه لم اكن انوى وضعها مع رجوع كل عضو لتشجيع فريقه وانتهاء حلم جميل انتهى بانتهاء البطولة وعودة بعض العصبيه فى الردود
ولكن الان لا اعرف لماذا اريد عرضها
ولكنى ساعرضها فلازلت اعيش نشوة فوزنا بالبطوله ولا تتعجبوا فهى افضل لحظات عشتها فى المرحله الاخيره شعرت فيها بفرحه وسرور
واليكم الاتى

.
.
.
.


مـنـتـخـب مـصـر ... يــاتــرا مــيــن ورااه


عصام الحضرى السد العالى ..... أسد فى المرمى عرين بيلالى
دروجبا اتعقد منه خلاص ..... قاله ارحمنى يابن الناس
خلتنى أقول من قلبى الآه
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

هانى سعيد ودا ليبرو حكايه ..... لازم اعمله أحلى روايه
هدوء غير عادى عقل كبير ..... قالوا عليه ليبرو خطير
حبيته انا لله فى الله
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

وائل جمعه دا حوشوه عنى ..... اى مهاجم قالها اسالنى
مساك جامد أيوا شديد ..... مش نحاس فضه دا حديد
بوجوده مهاجمين قالوا الآه
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

شادى محمد بقى ولا كلمه ..... مساك يلعب بروح وهمة
مش حاطط فى باله دروجبا..... ولا ايتو ولا حتى أبو ركبة
نفس الفيلم لفتح الله
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

احمد فتحى مش معقول ..... فى الكوت ديفوار اول جول
حطه شمال هاته يمين ..... عارفين انه دولى قديم
وااد جوكر ماشاء الله
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

لو جيت قلت سيد معوض ..... روحه العاليه مش تتعوض
شويه شويه اكيد هيزيد ..... طول ماحنا ايد فى الايد
هنشجع سيد .. قوول الله
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

هاجى على حسنى مش هتكلم ..... شوفه فى الملعب كوره تتعلم
أحسن لاعب قالتها غانا ..... طب حيووه غنوا معاناا
باجوانه عشنا أحلى حيااه
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

أحمد حسن ما تقوليش ..... هو الاصل غيره مفيش
تحسه قائد بس بجد ..... ثقه فى الله مالهاش حد
عشره قديمه أحمد يااااااااه
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

شوقى دا جندى مش مجهول ..... شوفه فى الملعب دفاع هجوم
هو وحسنى أحلى دويتو ..... زعلان منهم صامويل ايتو
زمانه من جوه قال الآه
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

أما زيدان فدا وااد حدوته ..... هتشوف منه احلاها شووطه
يمين فى شمال الكل يميل ..... وااد فنان عاشق للنيل
وأهو خلى سونج يغنى الآه
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

الكوره فى رجل أبوتريكه ..... يبقى أكيد جوول مزيكاا
الراجل البركه حبيب الكل.... الشعب بيهديه ورد وفل
خلانا نقول الله الله
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

متعب دا هداف متمكن ..... خانه الحظ شويه يا فندم
بس وجوده شىء مطلوب ..... عارفين انه اكيد موهوب
ياما ضحكنا فرحنا معاه
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

البلدوزر ابعد عنه ..... اى مدافع هو دا عمه
الزكى عمرو يارافع راسنا ..... ويا اهدافك كلنا هصنا
راجل بجد الرب حماااه
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]

سمع هوس مين يتكلم ..... حسن شحاته دا المعلم
حكمه وعقل وحب لمصر ..... راجع اهوو ويااه النصر
تمانين مليون كانوا معاه
ياترا مين ورااه
[ندعوك للتسجيل في المنتدى أو التعريف بنفسك لمعاينة هذه الصورة]