عينى على الشات واللى فيه....

عيني ع الشات و اللي فيه
كبار و صغار بيجروا عليه
كل اللي تدور عليه هتلاقيه
عيني ع الشات و اللي فيه
شايب و عامل نفسه شباب
و عيل عايش دور الشباب
و خجولة ماشية من غير ثياب
عيني ع الشات و اللي فيه
يدخلوا علي الروم يخربوها
باسماء عمرهم ما عرفوها
و يحكولك مشاعر ما حسوها
عيني ع الشات و اللي فيه
تدخل الشات تلاقي العجب
و كلام خادش للحياء ينكتب
و من أول كلمة الواد خطب
والكتاب ممكن برضه ينكتب
عيني ع الشات و اللي فيه
الغلبان و داخل باسم خطير
من كلمة تعرفه كداب كبير
و حقير و داخل باسم أمير
عيني ع الشات و اللي فيه
قمر الكون دا اسم منور
و توصف نفسها بدر منور
بجمال سبحان من صور
عيني ع الشات و اللي فيه
بنت صغيرة تقولك مطلقة
و زوجة سعيدة تقولك متعلقة
و باردة المشاعر تقول متشوقة
عيني ع الشات و اللي فيه
اميرة الحب متعرفش معانيه
و الفارس اللي الجبن ماليه
و المحترم اللي مافي لوم عليه
و المجروح اللي ما في دوا ليه
عيني ع الشات و اللي فيه
تدخل الشات تلاقي عصبية
دا من مصر و ده من السعودية
و ده من أي دولة تانية
و كأننا مبقيناش امة عربية
عيني ع الشات و اللي فيه