بقت حاجه محتاجه مليون سؤال ايه الى بيحصل فى البلد دى ؟ تعالوا اقروا كلمات الاغنيه دى

صباح الخير عليكم جميعا

وصلتنى رساله صوتيه على موبايلى حبيت انى انقلهالكم

كلنا عارفين اغنيه واحده واحده بتاعت المطرب الجميل محمد حماقى

واحد بقى من الناس الموهوبين اخد لحن الاغنيه وغير الكلمات بس بقت حاجه تانيه

ايه رأيكم نقرا الكلام باللحن بتاع حماقى

الاغنيه اسمها كفايه بقى


بقت حاجه محتاجه مليون سؤال

ايه الى بيحصل فى البلد دى

دى بلدنا كترت حراميها

ويقولك ريسنا حاميها

امال خيرها ده فين

يافرحتى عايشن من غير حروب

تلاتين سنه جوه البلد دى

وبلدنا خيرها مهوش لينا

دا بيدخل جيب الى حامينا

على كده عشنا سنين

ماتحل عنا بقى زهقتنا

خلتنا نكره انك وسطنا

لو قلت همشى كده ريحتنا

كفانا بقى

لو كنت مصرى

زيك زينا

بتحب مصر

تبعد عننا

مبقاش فى حد عايزك مننا

وكفايه بقى

ياما سمعنا كلام ووعود كتير فى برنامجك الانتخابى

وعيشتنا غليتها علينا

خلتنا نمشى على ادينا

علشان ناكل عيش

ياما سمعنا كلام ووعود كتير مشوفناش ولا شى ايجابى

ملينا سبنا بقى كفايه

مالقينا للفقر نهايه ولا عرفنا نعيش

ماتحل عنا بقى زهقتنا

خلتنا نكره انك وسطنا

لو قلت همشى كده ريحتنا

كفانا بقى

لو كنت مصرى زيك زينا

بتحب مصر تبعد عننا

مبقاش فى حد عايزك مننا

وكفايه بقى



يعنى هيه الغنوه عجبتنى حبيت انى انقلهالكم

يارب تكون عجبتكم

تقبلوا تحياتى