خيرات بلدى الحبيبة مصر

من طرف **medo_henry** السبت مايو 09, 2009 2:00 pm

لما تلاقي الجد في ايده حفيده
و الناحية التانية السبحة بايده
الطفل في عينه بريء
وفي وشه احساس بريء
لسه جايب جلابيته النهاردة
وبينده وسط الطريق ويقوله يا جده
ويمسك ايده ويشده ويقوله انا عايز اتوضى
ويقوله يله نصلي العصر
يبقى انت اكيد في مصر
لما تلاقي الكنيسة جوها دافي واصيل
وكل ركن فيها شاهد عل تاريخ
هنا المسيح والعذراء عاشو من سنين
وسط ناسها واهلها الطيبين
دا كلام جرجس وعم نصر
يبقى انت اكيد في مصر
لما تلاقي في جرحك الف عين باكية عليك
وتلاقي في فرحك زغاريط و زينة من حواليك
وبيتك البسيط يتحول قصر
والخير جواك ماله حصر
يبقى انت اكيد في مصر

__________________________________________

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت
على اسم مصر