افتح قلبك وجاوب بصراحه؟

والله هو الواحد هيحاول انة يعيط فى التلاتة بس الاتنين دول
2-انسان مسجون ومحكوم عليه بالموت وأنت تعلم انه مظلوم وبريئ ولكن لا تستطيع اثبات برائته .



3-تشاهد امرأه تجري وفجأة تسمع صوت حادث والضحية أحد أطفالها وتشاهدها وهي تسقط وتتألم

دا قدر من ربنا الانسان ملهوش دخل فية

اما الاولى
-طفل يبحث في صندوق الزبالة اكرمكم الله عن شئ يأكله ولا يجد شي فيبكي وأنت لا تستطيع مساعدته.

دى بردة قدر من ربنا بس للانسان دخل فية حتى لو 1% يعنى مفيش حد يقدر يساعدة خالص
فين الام والاب فين الاقرايب فين اهل الخير

شكرا على المواضيع الجميلة وعودة حميمة للمنتدى

ربنا يجزيك كل خير يا طبيب وشكرا جزيلا
انا عن نفسي بتفق معاك بس انا هعيط ف كل الحالات بصراحه
لان كلهم يقطعوا القلب
وعن الطفل اللي بياكل من القمامة اكيد لو شوفته هااخده واجيبله اكل واديله الفلوس اللي معايا وهتابعه بأستمرار
يارب لا تجعل ا حد من امة المصطفي يحتاج لسواك يا منان يا كريم

-طفل يبحث في صندوق الزبالة اكرمكم الله عن شئ يأكله ولا يجد شي فيبكي وأنت لا تستطيع مساعدته.


دى ممكن اتعب عشانها اوى

مشكور جداا جدا جدا جدا

والله أعتقد أنه يوجد حد أدنى من المشاعر بعده لا يفرق المرء بين حدية الموقف
مثل ذلك مثل إذا زادت درجة المياه عن 100 درجة مئوية فلن تجد أى شخص يستطيع أن يفرق ما بين المئة والمائة خمسون
فجميع تلك المواقف صراحة مؤثرة واللهم عافينا وعافى المسلمين
واعتقد أن هناك مواقف أقل من تلك التى ذكرت تستوجب الجزع والبكاء ومن لم تدمع عيناه فيها فهو انسان مجرد من المشاعر
ولكنى سأحكى موقفا حكى لى لا أدرى أن كان أقل حدية من تلك المواقف ام أشد واعتقد أنها كلها فى الهم شقاء
وكى لا يتأثر السادة المرور فلتعتبروها مثل ما يذاع فى برنامج اغرب القضايا - ان كان احدكم مازال يتابع الإزاعة
تدور احداث تلك القضية فى عسير جنوب المملكة
وهو ان شخصا وحيد لأمه قد تزوج وسكن بفيلا واخذ الدور العلوى وترك الدور السفلى لأمه العجوز وللأسف كان هذا الشخص حادا مع امه ويفضل زوجته عليها وكبرت أمه فى السن ألى أن أصبحت شبه مشلولة وضئيلة الجسم وكان ابنها ينتظر موتها بفارغ الصبر ربما كان يعتبرها عبئا عليه وربما كانت زوجته لا تستحسن وجودها فى البيت
وذات ليلة نسيت الزوجة استنزال الطعام للأم وربما تناست عن قصد وجاعت الأم ولم تأخذ الدواء المقرر لها فنادت ابنها ولم يسمعها فزحفت زحفا إلى أن وصلت إلى باب شقة الأبن بالدور العلوى فقال لها الأبن انتظرى ثوانى وقام بتغيير ملابسه وحملها وأجلسها فى السيارة وأخذها وخرج
وأذ به يوقف السيارة بجوار مقلب زبالة ويحمل امه ويرميها فى الصندوق
فتبكى الام وتظل طوال الليل فى الصندوق إلى أن يسمع نحيبها شيخا بمسجد بعسير كان قد خرج لصلاة الفجر
فيخرجها من الصندوق ويأخذها لبيته وتنظفها زوجته ويتصل بالشرطة إلى ان يستدل على ابنها ويعترف بما فعله بأمه ويأخذ ويسجن
فهل يشفى السجن للأبن خيبة الأمل والفجيعة التى تحسها العجوز
يالا شقاء الأباء والأمهات إن تأصل جحود الأبناء
ندعو الله تبارك وتعالى أن يجعل حب أبناءنا لنا بقدر حبنا لآبائنا وأمهاتنا ولا يجرب علينا الجحود أبدا

مصدقك ياورد من غير ماسأل
ياما شفنا وياما فى الجراب ياحاوى

شكرا لمروركم جميعا وشكرا علي الامثله الرائعه التي جعلت قلوبنا تذرف الدماء لهول ما ألم بنا وبحالنا نحن المسلمين من بشاعة المواقف التي لايفعلها الحيوانات
تري لماذا وصل حالنا لهذا الحد؟؟؟
لماذا ماتت قلوبنا وماتت الرحمة في نفوسنا؟؟؟
مواقف تقشعر لها الابدان وتشيب لها النواصي
........انا شوفت موقف فعلا قطع قلبي والله وانا رايحه الكليه
امرأه عجوز يتراوح عمرها مابين السبعين والخمس وسبعين لقيتها مش قادرة تقف ولا حتي تتحرك حركه واحده وبتنادي علي ابنها وهو كان في الطريق المعاكس لقيت الراجل ده بيشوحلها بأيده وبيقولها ربنا ياخدك ع استريح روحت ع اساعدها بقولها ياامي انتي رايحه فين بتقولي الدقي والدقي دي بعيده شويه عن الكليه بتاعتي بقولها طيب اللي انتي بتنادي له ده قريبك لقيتها بتقولي ده ابني يابنتي والله جسمي اقشعر لماقالتلي كده بقولها ابنك؟؟؟
قالتلي ايوة ربنا ارحم منه عليا وكانت ياحبيبتي مش قادرة تقف انا مش عارفه الناس دي قلوبها ايه دول بشر زينا مش عارفه
قولتلها معلش ياامي ربنا فعلا ارحم علينا من اي بشر
وكنت فعلا هروح اوصلها بس لقيت ابنها ده جه وقالها تعالي ياختي وكلمها باسلوب وحش جدا ومعامله قاسيه وكانت خطوته كبيرة مش مقدر انها مش قادرة تمشي او يقدر اللي كانت بتعمله له وهو طفل والله الواجب كان يشيلها مش يمشي بها
ناس قلوبها ماتت وضمائرها تلاشت
ربنا يرحمنا برحمته
ياااااااااااارب بارك لنا في ابائنا وامهاتنا واجعلهما الوارث منا
آآآآآآآمين يارب العالمين

طبعا انا متأسفه عشان الاخ ميدو ماعملش خروج وانا دخلت علي طول كالعاده فكتبت باسمه
ارجو تقبل الامر

كلامك جميل يافجر وبصراحةاى انسان لديه ولونسبةضئيلةمن الاحساس يبكى على الثلاث مواقف
وان اصبح الاحساس والرحمة منعدما فى مجتمعنا الحالى ولكن هناك العديدمن الشخصيات التى تمتلك القدرالوافى من الرحمة والحب تجاه الاخرين ويساعدون الاخرين

مرسي لمرورك ياسمر ونورتي منتدانا
انا معاكي ان زي مافي ناس قلوبها وضمائرها ماتت ... في ناس بردة ربنا جعل الرحمة في قلوبها
وادعوا الله ان نكون من اصحاب تلك القلوب

اما انا
شئ عندى اصعب من البكاء
قلبى
ممكن اروح فيها لو نزلت منى اول دمعه واحده
ومش عرف ايه ممكن يجرالى بجد
لانى كتير التاثر بالمواقف
وبس

ده يدل علي رقة قلبك ورقة القلب وحنانه تدل علي قوة الايمان وقوة الايمان تدل علي محبة الرحمن
احسبك عند الله كذلك
شكرا مرورك

انا بصراحة هعيط في كلوا لان كلهم صعبين جدااا

وكمان اللي قال عليها ياورد مين علمك تجرح صعبه بجد

ويارب يعافينا كلنا