اسس وانشىء الموقع ... ابراهيم نجاح العشماوى ... 15 يناير 2008
 
الرئيسيةالمنشوراتالتسجيلدخول

شاطر | 
 

 ازاى تعكنن على مراتك

اذهب الى الأسفل 
كاتب الموضوعرسالة
عمرو_هشام
مرجاوى مبدع
مرجاوى مبدع
avatar

ذكر
عدد الرسائل : 431
العمر : 28
العمل : طالب بكلية الهندسة ** جامعة المنصورة
البلد : ميت مرجا سلسيل - شارع البحر
رقم العضويه : 87
مزاجى :
الهوايه :
المهنه :
رقمى المفضل : 7
تاريخ التسجيل : 23/02/2008

مُساهمةموضوع: ازاى تعكنن على مراتك   الأربعاء مارس 19, 2008 10:24 pm

دى بعض الطرق لاخواننا المتزوجين يعكننوا بهم على زوجاتهم

لو مخنوقين منهم يعنى

1-الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان ..اشمعنى انت ؟

[b]ترد عليه وتقوله مش تفتح يا بني آدم على الصبح مش فيه ناس نايمه نامت عليك حيطه

ولو حاولت ترجع تنام تانى قالها مادام صحيتى حضري الفطار بقى ياروحى

طلعت روحك من لوحك يا بعيد ما تحضر لنفسك الفطار ولا انا الخدامه اللي أهلك جابوها علشان تخدمك

2-اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كله 00

روح يا حلو الملامح لصاحبك خليه يحكيلك على الحلقه مش عاوزين وجع دماغ

ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب ملاحظة(معظم النساء يكرهون الكره بصفة عامة)

جون في دماغك انت وهو قوم شوف حاجه تجيب بيها فلوس بدل الكوره اللي لا بتأكل ولا بتشرب

3-اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
ويراعى فى هذة الطريقة/ ترك اثار سمنة على الارض مع ترك التلاجة مفتوحة وقشر البيض فى الحوض

ما تنساش تغسل الأطباق والحلل اللي انت وسختها علشان ما أعملش حسابي في 2 كيلو اكياس زياده

4-فى عيد ميلادها زين لها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

طب ما انت معاك فلو وفييس أهه وبتجيب شمع بزياده آمال فين الهديه بتاعتي يا روح خالتك

5-لو عاملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

طز في الرجيم يا جميل أنا هاخس لمين ما فيه واحد زيك متجوزني وعاجبه على كده ولا مش عاجبه حتى ..مش طالبه خسسان هات الشيكولاته والجاتوه ده خليني أخلصك منهم

6-متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دي ياحياتي حطة عليها اية ؟؟ ولو عملة كيكة قالها انا بحب
اشرب شاى مع البسكويت الحلو دة !!

ما هو علشان كده أنا اتجوزتك يا حبيبي علشان أهبل وما بتعرفش تميز

7-لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقول لها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

طيب يا خفيف خد الهدوم واطلع بيها على المغسله لا تحصلهم من البلكونه

8-لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية.

بس كده براحتك وتقوم ملبساك جردل الغسيل وتقولك سوري يا حبيبي ما خدتش بالي بس ممكن أنشفك مع البلاط

9-لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

ارميها مطرح ما انت عايز يا سبعي بس ماتنساش تجيب طقم كوبايات علشان دي والتانيه كانوا آخر كوبايتين في البيت .. ربنا يرزقك برزقنا..

10-وانت قاعد تتفرج على التلفزيون
وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقول لها حبيبتى معلش ممكن كوبية مية علشان ظهرى بيوجعنى

ليه يا حبيبي ما تقوم تجيب لنفسك ولا انت بتشرب بضهرك

طبعاً الردود دي كلها بتعقبها يا ابتسامه شرسه يا زمجره يا زغرتين بالعين يولعوا فيك وانت واقف

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
فجر الاسلام
مشرفة سابقة
مشرفة سابقة
avatar

انثى
عدد الرسائل : 1010
الجنسية : مصرية
العمل : طالبة جامعيه
البلد : ميت مرجا
رقم العضويه : 280
مزاجى :
الهوايه :
المهنه :
تاريخ التسجيل : 03/06/2008

مُساهمةموضوع: رد: ازاى تعكنن على مراتك   الجمعة يونيو 13, 2008 12:50 am

لا اعرف لماذا تكره المرأه لهذا لحد ياباش مهندس مش ممكن ربنا يرزقك بواحده بلاش اكمل؟؟؟؟؟؟؟؟؟؟؟؟؟؟؟؟؟؟اكتب حاجات كويسه عشان ربنا يكرمك بواحده طيبه وحنينه واه بقي من اللي ربنا بلاه بواحده ست بصراحه ده بقي اقسي عقاب في الدنيا وممكن تعمل حاجه بسببها تخليك تخسر الاخره يعني خربانه خربانه اعمل حسابك بقي بعد كده ياعمرو
الرجوع الى أعلى الصفحة اذهب الى الأسفل
عطا درغام
مرجاوى جديد
مرجاوى جديد


ذكر
عدد الرسائل : 77
العمر : 48
العمل : أخصائي مكتبات
البلد : جديدة المنزلة
الهوايه :
تاريخ التسجيل : 21/05/2008

مُساهمةموضوع: رد: ازاى تعكنن على مراتك   الجمعة يونيو 20, 2008 4:38 pm

لا أدري مالسبب الذي كتب من أجله الأخ عمرو هشام هذه المشاركة والتي لاتدعو إلي التراحم وتدعو إلي العكننة فواضح من عمرك الذي يتعدي السابعة عشر لم تأخذ الخبرة الكافية ولم تعركك الحياة وتجعلك تاخذ هذا الموقف التحريضي ضد النساء لماذا العكننة ضد الزوجة ...؟.لماذا لا تكون لها الصدر الحنون الذي ترتمي عليه والحضن الدافيء والمرآه التي تري نفسها فيك ويكون هناك الاحترام المتبادل والتفاهم بدلا من التحريض والعكننة التي تدعو إليهما فكلنا متزوجون ونبحث عن الاستقرار الاجتماعي والنفسي ولا نسعي إلي عكننة زوجاتنا ورجاء أن تعيد النظر فيما كتبت حتي لا تاخذ بنات حواء ضدك موقفا وتصبح مثل البيت الوقف ولا تجد من ترضي بك زوجا
الرجوع الى أعلى الصفحة اذهب الى الأسفل
على مجاهد
مشرف منتدى الاخبار والسياسة
avatar

ذكر
عدد الرسائل : 1184
رقم العضويه : 17
المهنه :
رقمى المفضل : 0
تاريخ التسجيل : 19/01/2008

الاوسمة
 :
الاوسمة



الاضافات:

جديد موقع ميت مرجا سلسيل

↑ Grab this Headline Animator


مُساهمةموضوع: رد: ازاى تعكنن على مراتك   السبت يونيو 21, 2008 1:37 pm

دعونى أرد عن الباشمهندس
يعرف عمرو من مشاركاته السابقة بالكتابة الساخرة وحب الدعابة
فلم يكن أبدا ما قد فهم من المشاركة هو أن ما بها من تصرفات تنم عن ما يتصف به من طباع
ثم ان عرض التصرفات بالمشاركة كان بشكل كاريكاتيرى بحت غير قابل للتطبيق
أما عن البيت الوقف ومخاوف بعض السادة المشاركين من كونه لن ترضى به واحدة من بنات حواء فهذا أمر مستبعد
فيكفى الباشمهندس أنه يحمل لقب مجاهد ليلاقى ترحيبا من كل بيت
والأصل تتبعه الفروع
شكرا
الرجوع الى أعلى الصفحة اذهب الى الأسفل
فجر الاسلام
مشرفة سابقة
مشرفة سابقة
avatar

انثى
عدد الرسائل : 1010
الجنسية : مصرية
العمل : طالبة جامعيه
البلد : ميت مرجا
رقم العضويه : 280
مزاجى :
الهوايه :
المهنه :
تاريخ التسجيل : 03/06/2008

مُساهمةموضوع: رد: ازاى تعكنن على مراتك   الأحد يونيو 22, 2008 3:31 pm

ايوه بقي يا استاذ علي لو كان واحد غير عمرو كان زمانك نقدته نقد ماحصلش لكن احنا غلااااااااااااااااااااااااااااااااااااااااااااااااااااااااااااااااااااااابه بناخد نقد بس
الرجوع الى أعلى الصفحة اذهب الى الأسفل
على مجاهد
مشرف منتدى الاخبار والسياسة
avatar

ذكر
عدد الرسائل : 1184
رقم العضويه : 17
المهنه :
رقمى المفضل : 0
تاريخ التسجيل : 19/01/2008

الاوسمة
 :
الاوسمة



الاضافات:

جديد موقع ميت مرجا سلسيل

↑ Grab this Headline Animator


مُساهمةموضوع: رد: ازاى تعكنن على مراتك   الأحد يونيو 22, 2008 6:22 pm

كلكم أخوة . . . . وكلكم أعزاء
ولا تفرقة بين احد منكم ولا تمييز لأحدكم على الأخر
أما بخصوص النقد
أنا - وأعوذ بالله من كلمة أنا - لا أنقد إلا المواضيع الهامة ذات الفكر العالى
أما عن المواضيع اليوزليس من وجهة نظرى لا أدير لها انتباها
وهذا النقد أحاول به تدارك الموضوع محل النقد من جوانب مختلفة بالمعنى البلدى بنكشة
أما عن وقوفى فى صف م / عمرو فلم يكن إلا من قبيل أنى مقتنع ببراءته من التهم المنسوبة إليه
ولو أحسست أنه عدوا للمرأة فسأكون أول من يهاجمه ويشجب فكره
بينما من يقرأ المشاركة يعلم انها تحت طائلة التهريج أوالمزح
.
.
قضى الأمر الذى فيه تستفتيان
وتحياتى للمهندس عمرو ولفجر الإسلام و باقى السادة المشاركين
الرجوع الى أعلى الصفحة اذهب الى الأسفل
ابو زياد
مؤسس وعضو شرفى
مؤسس وعضو شرفى
avatar

ذكر
عدد الرسائل : 64
الجنسية : مرجاوى
العمل : مصور تليفزيونى
البلد : ميت مرجا
رقم العضويه : 364
مزاجى :
الهوايه :
المهنه :
تاريخ التسجيل : 23/06/2008

مُساهمةموضوع: رد: ازاى تعكنن على مراتك   الإثنين يونيو 23, 2008 6:41 pm

ربنا يعكنن عليهم ذى ماهما معكننينا
الرجوع الى أعلى الصفحة اذهب الى الأسفل
http://www.mergawyh.net
عطا درغام
مرجاوى جديد
مرجاوى جديد


ذكر
عدد الرسائل : 77
العمر : 48
العمل : أخصائي مكتبات
البلد : جديدة المنزلة
الهوايه :
تاريخ التسجيل : 21/05/2008

مُساهمةموضوع: رد: ازاى تعكنن على مراتك   الإثنين يونيو 23, 2008 8:49 pm

شكل الأستاذ إبراهيم نجاح من أعداء المرأوأعتقد أن هذا ليس في صالحه
الرجوع الى أعلى الصفحة اذهب الى الأسفل
 
ازاى تعكنن على مراتك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الموقع الرسمى لمدينة ميت مرجا سلسيل :: الملتقى الفنى :: منتدى المعلومات العامة-
انتقل الى: