يعني دا مش حرام

السلام عليكم جميعا.....
ايه رايكم ياشباب فيما يسمي افلام الصيف السنة دي......
بيقولوا والعهدة علي الرواي متكلفة فوق 150 مليون جنيه
بس للاسف ايرادتهم يادوب حوالي 40 مليون الي الان
يعني بيقولواا لسينما خسرانة السنة دي
ربنا يعوض عليهم
...................
اي سينما واي افلام هذه
السينما تعكس واقع الناس
يعني هي دي مصر بناسها
افلام كلها قتل ودعارة وخمر وميسر وكل اللي تتخيلوا من التجاوزات الاخلاقية
يعني ياجماعه الشعب المصري بهذة الاستهتار والاستهبال
من فيلم دكان شحاتة لفيلم احمد السقا لافلام ريكو وخلافه من عاهات هذا الزمن
لقد فاض الكيل
احنا متغربين وبنبقي محرجين جدا من الجنسيات الاخري اللي بنتعامل معاه
اقل تعليق ...من اي شخص بيحرق الدم
حتي البرامج ....الله يلعنهم في كل كتاب
يااخي اذا بليتم فاستتروا
ناس مش لاقيه سكن ولا لاقية تاكل
ومفيش علاج
هي دي مصر ياشباب
هو دا اللي الاعلام بينقلوا للدنيا كلها عبر القنوات الفضائية
ياريتوا تفتحوا بس اي قناة عربية ولا اجنبية
استحالة تلاقي برنامج او فيلم بهذا السفه او ينقلوا حاجة تمس شعوبهم وتقاليدهم
لقد فاض الكيل
اذاي الواحد يفكر يرجع بلده بعد ماضاع شباباه في الغربة ومصر بهذا الشكل الذي ينقله الاعلام
اهذه حرية الفكر والابداع الذي يتشدق بها اشباه المثقفين من الكتاب المصرين الافاضل
عالم جهلة وغرقانين في الجهل
شعبنا المصري ابدا لم ولن يكون بهذه الصورة
فليذهبوا كل القائمين علي هذه النوعية من الافلام والبرامج الي الجحيم
ولن تنفعهم افلامهم ولن تغير اخلاقنا ومبادئنا ابدا
لكي الله يامصر
ولكم الله ياشباب بلدي الغالية على قلبي جدا
اللهم اغثنا اللهم اغثنا
ولله الامر من قبل ومن بعد
ودمتم بود

كما قلت استاذي المبجل لنا الله في مصر الحبيبه
وحالنا المخجل لا يخصنا نحن المصريين فحسب... بل امة الاسلام بأثرها
لا تخجل اخي من اعلامنا الهابط فهكذا حال امة العرب ولسنا نحن الوحيدون ولكننا المتميزون للاسف ف الهيافه
الاعلام بيعبر عن ثقافة البلد كما يقولون واعلامنا للاسف الشديد جعل رؤسنا ف التراب مثل النعال ونحن منه براء فلا اخلاقنا ولا سلوكياتنا تنتمي لهذا السفه الفاضح المخجل
لا تخجل من اصدقائك ف غربتك اثبت لهم بأخلاقك وتدينك انك المصري الاصيل وسيعرفون بالطبع انك تمثل احد نماذج هذا البلد المختار وان شعبنا لا ينتمي لمثل هذة الثقافه الخليعه بل شياطين الانس المتمثلين ف الفنانين وغيرهم هم نموذج شاذ خارج عنا نحن المصريين
حفظك الله اخي ف غربتك انت وكل من معك

فعلا والله انا شايفة ان المواضيع بتاعة الافلام دى عادت تقليدية مفهاش جديد يدوبك حبة الرومانسية التافخين دول الحنا عرفينهم وشوية الاكشن اللعب عيال دة وكدة وخلاص واية الشباب يجرو على السينما يشوفو الافلام حتى مش مستنيينة ينزل ع التليلفزيون ويدفع قد كدة ف التذكرة والنبى دة حلال ولا حرام واية على رايك 40مليون يبقى السينما خسرانة مش عرفين حال الشعب الفى كتييييييييير محتاج لكل جنية من البيصرفوه فى التفاهات دى اللهم ارفع عنا البلاء

السلام عليكم زرحمة الله وبركاتة

لك كل الشكر اخى الكريم على هذا الموضوع

فعلا الموضوع ذاد عن حدة
احكيلك موقف بسيط حرق دمى فعلا جامد اقوى

انا حاليا فى السعودية
فى يوم كانت راكب مع واحد سعودى
رايح اعملة شغل فى بيتة
واحنا فى الطريق قال لى شوفت فيلم كذا وفيلم كذا
قولتيلة لا مشوفتوش
قال لى
هو اللحم رخيص فى مصر
زى مبنشوف فى الافلام
بصراحة دمى اتحرق جامدى
رديت علية قولتيلة بس
بص الفساد فى كل مكان
احنا مش فى بلد الحرميين
بس الفساد هنا اكتر من مصر بس فى السر
واحنا مشكلتنا
الاعلام بتاعنا
بيعكس صورة مش موجودة فى الشعب المصرى
الشعب المصرى شعب مش كدة خالص


حسبى الله ونعم الوكيل

شكرا للمرة الثانية على هذا الموضوع الجميل
مش عارفين نعيش فيها
ولا فى غيرها
الحكومة عاوزة اية بالظبط من الشعب

سيدي خطر الحكومة اعتقد ليست طرف في المشكلة
المشكلة تكمن في مؤلفين ومخرجين
ايه اللي ممكن نستفيده من خليفة يوسف شاهين مايسمس خالد يوسف
كنا استفدنا ايه من اللي بيقولوا عليه المخرج العالمي جوزيف شاهين
دول عصابة ياعمي
وبيحاولوا بكل ماستطاعوا نشر الرزيلة والفساد في عقلية الشباب
ونجحوا ياسيدي في ذلك
شباب كل همه في الدنيا الجنس وشرب الكيف بجميع انواعه
بلطجة في كل مكان
ولم يسلم حتي الريف الذي كان الي الامس القريب محتفظ بعاداته وتقاليده ونخوة رجاله وشبابه
راح كل شئ بسبب هؤلاء الفاسقين من مخرجين ومؤلفين وممثلين
طيب زي مابينقلوا كل شئ ردئ
مافيش حاجة كويسة ابدا في البلد
مفيش مشاريع مفيش تنمية
مفيش حد عايش كويس ابد
مفيش حد محترم وعنده اخلاق
كل المصريين بهذه الصورة
يارجل دي امريكا منبع الفساد
افلامهم بتحسسك انهم شعب مفيش احسن من كدا
بيحاولوا بقدر الامكان يداروا سيلهم الوسخ
لكن احنا فضايح
ويجي واحد يقولك احنا بننقل واقع الشعب
ومين سمح لك اصلا تتكلم عن الشعب
ولا مين وصاك علينا علشان تعمل فيلم عننا
خليك في افلامك الهابطة وابعد عن الشعب ومشاكله
الواحد مل من الناس دي
وقال ايه نجوم مجتمع
شوية ناس جهله ويقولوا عليهم مبدعين
ياسيدي اتحداك انه واحد منهم يكون عنده اقل القليل من الثقافه والعلم
ولا يفهم اي حاجة
انا طولت معلهش ياعم خطر الواحد طفحان من العالم دي والله
كل لما تفتح اي قناه مفيش غيرهم
زهقونا في عيشتنا
النجمة الفلانية والنجم الفلاني
والعبقري مش عارف مين
عبقرية في الهلس
نحن في زمن الهلس والهليسه
وكل عام وانت بخير

ازاى الحكومة ملهاش دخل
لما النقابة تمنع مشاهد من فيلم
ويجى قرار من النائب العام بعرض الفيلم كامل ويمسح دور النقابة ويبقى هو النفابة

السلام عليكم اخى الكريم

انا مش متفق معاك ان الحكومة
ليست طرف
يعنى انت رميت الحمل كلة على الشعب
بعنى الشعب المغلوب على امرة هو السبب
ازاى ياعم
وفين دور الحكومة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟