الشركه المساهمه موضوع مهم

السلام عليكم ورحمه الله وبركاته
اعزائى الاعضاء طرحت الفكرة ولم احس بالتواصل هل حضرتكوا شايفين انها فكرة صعبه او مستحيله؟
والله الفكرة سهله وبسيطه وكمان مضمونه .بس دة بمجهودكم وافكاركم فى التنميه والتقدم ببلدنا وبابنائها. يا جماعه يعنى لو حجم راس مال المشروع مثلا 250 الف جنيه هل صعب اننا نجمعهم ؟فى سبيل اننا نضمن وظيفه محترمه لكل شاب فى البلد ؟ لا انا اعرف ناس بتدفع اكتر 10 ـ15 الف جنيه علشان تضمن وظيفه احنا بنقدم فكرة سهله وبسيطه هتضمن وظيفه وربح اخر السنه يعنى كل وفرد هيشارك بشراء اسهم من اسهم الشركه اكيد هيكسب
ارجوا التواصل لمناقشه المشروع وطرح الفكرة على المسؤلين ومن يهمه التنميه فى بلدنا ومن يرغب فى مستقبل افضل
كما ارجوا من ادارة النتدى الاهتمام بهذه الفكرة وطرحها للتصويت

شكرا لك اخي الكريم
تقبل مروري اخوك اسامة
وشكرا

انت اقتراحك جميل بس عارف يا شف المشكلة فى ايه ؟؟؟
كل واحد معاه قرشين عاينهم فى البنك متهيأله أنه بيهم هيبأى زى الناجين فى سفينة نوح لما يجى الطوفان
ومسألة الاقتصاد دى بأه زى فزورة البيضة الأول ولا الفرخة بس هتلاقيها فى الآخر سياسة . . . إزاى ؟؟؟ هقولك باختصار
لا يخفى على أحد ان المناخ العام فى مصر اليومين دول غير مهيأ للاستثمارمن عدم استقرار الاسعار والتضخم الحادث فى سعر الجنيه وعدم استقرار القوانين واللوائح فى الاقتصاد المصرى بفعل التعنت الحكومى المقصود من تكالب الضرائب والتامينات ومكتب العمل والأمن الصناعى وارتفاع سعر الكهرباء بالعدادات التجارية والطاقة بشكل عام وغيره وغيره كل ذلك جعل الاقتصاد المصرى طارد لمثل تلك رءوس الأموال للاستثمار بالخارج علاوة على ذلك أن سعر الفائدة بالجنيه المصرى بالبنوك عالى جدا مما يجعل صغار المستثمرين يفضلون إيداع اموالهم بالبنوك وهو ما تريده الحكومة ... وبعدين يعاد اقراضها لمن لهم علاقة مباشرة أو غير مباشرة بالسلطة بضمانات وبدون ضمانات والتى بمقتضاها تتأصل نظريات الاحتكار والسيطرة التامة على الاقتصاد قبل السياسة ولا مجال للخروج من تلكم الدائرة
وبعدين جرب كده وافتحلك محل صغير فى بلدنا هتلاقى خمسمية إيد بتتمد ليك مش بالمساعدة طبعا دى بتطلب رشوة وعليك إما تدفع أو يطبق عليك القانون اللى بمؤداه هتقفل هتقفل
يعنى انا مش عاوز أسود الصورة فى وش مشروعك بس الواقع أن الصورة ليست بالبياض الناصع
عموما اعرض وجهة نظرك فى مشروعك المقترح بالقدر الكافى للاقناع وجرب جايز الناس تتجاوب معاك
شكرا

اخى الفاضل الاستاز على انا فاهم دة كويس بس لو الفكرة دى <الخوف>فضلت جوانا مش هنتقدم خطوة وحده وطبعا انا فى كلامى قولت اننا لازوم يكون عندنا ثقه فى انفسنا وفى قرارتنا ويكون لنا هدف نوصله رغم كل الصعوبات والا على الدنيا السلام اصل لو فضلنا على كده خايفين من حتى المحاوله يبقى نقبل ونعيش نفطر ومنتغداش ولو اتغدينا منتعشاش حتى اللى معاه فلوس النهاردة يا علم بكرة فى ايه وبعدين انا هدفى من المشروع اننا نكون يد واحده واصحاب مصلحه واحده كلنا جوة دايرة واحده هدفنا واحدو هو نجاح الشركه والوصول بها لفوق فوق اوى اعتقد ساعتها ممكن الناس تحب بعض ومحدش يكرة حد لان خلاص الغنى زى الفقير كلنا واحد وممكن يكون الربح واحد مع اختلاف عدد الاسهم لكل فرد اللى يشترى اكتر هيكسب اكتر يا عم على انا الفكرة دى جوايا من زمان ومش عارف اطرحها لو حدى ولقيت ان المنتدى افضل ساحه ممكن اطرح فيه الفكرة ودة لانى واثق فى ادارة واعضاء المنتدى انهم عندهم ادالعم الاكتر للفكرة من الناحيه الاقتصاديه كما تفضلت حضرتك واضفت سابقا شروط المساهمه من الناحيه القانونه اكيد فى ناس
عندها اضافات اكتر
ترجوا التواصل وللمرة التانيه ايد لوحده مبتصقفش
وتقبلوا خالص تحياتى واشكر الاخ اسامه على اهتمامه بالرد