هل ترضي لأحد ان يصارحك بعيوبك

الـســـــــلام.عليكم.و رحمة.اللـه.وبركاته




هل ترضى ان يصارحك احد بعيوبك ؟؟


إن لكل إنسان مهما كان أخطاء و عيوب ( اكـيد الكمال لله عزوجل ) , فهو محكوم في هذا بقدر من الله عز وجل أن خلق بشرًا .


>> كل ابن آدم خطاء <<


وطبعاً أنا لا أقصد بالعيوب هنا العيوب الخِلقَية , ولكن أقصد


العيوب في التصرفات او الطبع و العقليه .


على سبيل المثال : لو كان لك صديق وهذا الصديق به من الصفات


الجميلة الشيء الكثير ولكنه نمّام


أو كذّاب أو كثير الكلام ,, هل ستواجهه


وإذا كانت هذه الصفات فيك ( مثلاً ) هل سترضى إذا واجهك بها .


بصراحة هل ستعتبرها هدية


أم ستعتبرها إهانة وتدخل فيما لايعنيني أم وقاحة


انتظر .. وفكر قبل الإجابة قليلاً .


إذا كنت تعتبر المصارحة بالعيوب هدية كما جاء في الخبر:
( رحم الله امرأ اهدى إلي عيوبي ) .


هل تعرف عيوبك بشكل واضح وأيهما أكثر وضوحا بالنسبة لك . عيوبك أو صفاتك الحسنة


بصراحة :


هل أنت مع هذه المقولة .. هل ترضى أن يصارحك احد بعيوبك ؟
اختلاف الرأي لا يفسـد للود قضيه..

اة باين احنا قاعدين فى الجامع مش قاعدين فى منتدى
قول يا عم اخطب بس مطولش عشان بتغدى بدرى

ما تغديني معاك يا مان

مبلاش يا جماعة الردود دى ولا انتو قلبتوها شات

ناس مابتعرفش ترد ولا تكتب فمش بتلاقي غير التفاهات دي وتكتبها
يبقي من الاحسن لانعطي لهم بالا

اية الحكاية عمرو وفجر اتلموا على بعض ولا اية عملتوا عصابة

يا عمنا لاعصابة ولا حاجة بس المفروض يبقى فية شوية احترام

لا اكيد وباين

فين الردود ؟؟؟؟؟؟؟؟؟؟؟؟؟؟؟؟؟؟؟؟

بعد تعب وبحث مكثف عن كلمة شكر وتقدير تليق إلى من تميزت بأخلاقها وسلوكها وتعاملها ..
إلى كل من كانت قدوة ونورا وضاءا بهذا الصرح ..
احترتُ كيف أهدي إليك حدائق المعروف .. وأنت من زرّاعها المبدعين.. فكم بذرت فيها أجمل البذور ..
ورعيتها حق الرعاية .. ثم قطفت منها أينع الثمر وأطيبه بنفسٍ طيّبةٍ ملؤها الحب والأمل والتفاؤل ..
فهنيئًا لك أختي على تعاونك معنا وبوركت جهودك الطيبة
حفظك الله وسدد خطاك

بعد تعب وبحث مكثف عن كلمة شكر وتقدير تليق إلى من تميزت بأخلاقها وسلوكها وتعاملها ..
إلى كل من كانت قدوة ونورا وضاءا بهذا الصرح ..
احترتُ كيف أهدي إليك حدائق المعروف .. وأنت من زرّاعها المبدعين.. فكم بذرت فيها أجمل البذور ..
ورعيتها حق الرعاية .. ثم قطفت منها أينع الثمر وأطيبه بنفسٍ طيّبةٍ ملؤها الحب والأمل والتفاؤل ..
فهنيئًا لك أختي على تعاونك معنا وبوركت جهودك الطيبة
حفظك الله وسدد خطاك

اولا اشكرك على مواضيعك ال بجد قيمه ووجبه دسمه لكل انسان عايز يتعلم ثانيا اكيد احب الاقى حد يصارحنى بعيوبى بس مش اى حد انا افضل انها تكون صديقتى اقرب الناس ليا وانا فعلا كنت متفقه مع صديقتى انها تصارحنى بعيوبى وبنعمل ده مع بعض واما كنت بلاقيها تمدح فيا كتير كنت بزعل واقولها الصديق ال بيمدح دايما فى صديقه كده يبقى بيقسم ظهره واخيرا جزاااااااااااااااااااااااااااااااااااااااااااااااااااااااااااااااااااااك الله كل خير لانه بجد نا كنت واخده فكره وحشه اوى عن ميت مرجا لانى كنت باخد فيها درس بس بعد ما قرات موضوعاتك اتاكدت انها مش كلها وحشه وانه صوابعك مش زى بعضها

شكرا لكي بجد يا جنات ونورتينا والله وبجد مبسوطه من ردك جدا
ان الانسان اللي بيمدح ف صديقه دايما ويبعد عن عيوبه اعتقد ده غلط لان لما نحب حد وبنخاف عليه لازم ننصحه بس بأسلوب شيك وبدون تجريح ع لو بنحبه بجد هنخاف عليه ولازم يكون ف ابهي صورة
وزي ماقال سيدنا عمر رضي الله تعالي عنه وارضاه( رحم الله امرئ اهدي الي عيوبي)...
_______________
تاني نقطه ... ليه واخدة فكرة م كويسه علي المرجاويات.. هو اه في وحش بس الاعم الاغلب كويس ومش ع واحدة صدر منها سلوك مش كويس يبقي نعمم
وزي ماقلتي مش كل الناس زي بعضها بس اللي مفروض نعمله اننا نتحري الدقه ف الانسان اللي ممكن نعمل معاه صداقه لان المرء علي دين خليله
ولو واحده مش كويسه مانبعدش عنها بالعكس.. نحاول من بعيد ننصحها وناخد بأيدها للاحسن ممكن تتغير ولو اصرت علي موقفها يبقي نبعد نهائي عشان انتي عارفه ان احنا ف مجتمع متدين والناس لو اتكلمت مش هتقول ان دي وحشه والتانيه كويسه..لالالالالالا هيقولوا الاتنين وحشين يبقي انتي كده ظلمتي نفسك معاها لما صاحبتيها
يبقي الاحسن تتحري الدقه ف تكوين صداقتك واعتقد من سنك انك ع اعتاب الجامعه فدي بالذات خدي بالك منها
انك هتشوفي العجب العجاب ومناظر ربنا يهديهم اوعي تحتكي بالاشكال دي ولا البنات اللي زي دول لانهم شياطين ف صورة بشر واكيد في المحترمات جداااااا ياريت تكوني تبع الجروب بتاعهم لانهم هياخدوا بأيدك للطريق الصح عكس التانيين اللي بيضيعوا البنات
وبعض البنات ضاعت لما عرفت الاشكال دي وقالوا انهم بقو خلاص ف الجامعه وعصر الانترنت واستغلوا بعدهم عن اهاليهم ف الوقاحه ونسيوا ان رب العباد مطلع عليهم قبل ما يكون الاب والام شايفنهم
كنت ممكن ابعتلك دي ف ميسدج خاص بس ع تكون حاجه نافعه للكل
وبجد بلدنا جميله جدااااااااااااااااااااا وبناتها اجمل بس للاسف انتي ماعرفتيش غير الجانب اللي بيخجلنا ومن خلال منتدانا هتعرفي ثقافتنا وبنات كتير اشتركت وهتشوفيهم وتعرفي ان كلامي صح لما تبقي تشوفي مواضيعهم وردودهم
نورتي موضوعي يا جميله

اول انتى بجد بنوته لذيذه وثانيا انا اخذت فكره مش كويسه عن ميت مرجا مش لانى صاحبت بنت منها وطلعت مش كويسه لا خالص ان اصلا ماليش اى اصحاب بنات من ميت مرجا بس لانه شفت الجانب السىء من اولادها ورجالتها انا كنت فى بلدكم بلاقى رجاله كتير اوى قاعدين على القهاوى ومش بيقوموا يصلوا مع العلم انه المسجد قصادهم وكمان الشباب ال فيها كانوا يمشوا يلزقوا فينا ويقولوا كلام مش كويس وانا عارفه انوا اى بلد فيها الكويس وفيها الوحش وانا خلاص الحمد لله طلعت الفكره السيئه من دماغى ثانيا انتى اثرت موضوع راعبنى جامد وهو موضوع الجامعه انا فعلاه خايفه اوى من البنات ال هقابلهم لانى فيا عيب انه انا على نياتى وطيبه اوى مع ال قدامى لدرجه انه انا اصدق اى حاجه يقولوها ليا وبعدين اكتشف انهم مش صادقين معايا وكانوا بيكدبوا ومش انا كده بس كمان صديقتى نفس الحكايه ومش عارفين نعمل ايه

شكرا يا حبيبتي ع كلامك وبجد انتي اللي سكرة
ثانيا في مشكلتك وخوفك منها مش تخافي خالص .. بس خليكي دايما واخده بالك من كل حاجه ولو تعرفي حد كويس جدا ومتدين ومحترم ومالوش ف جروبات الولاد ده ع طول روحي صاحبيه وحاولي تقربي منهم لو حصل وفاق فكري بينكم خلاص ان شاء الله هتكوني جروب جميل وتحسسنوا يوم عن يوم
اوعي تصاحبي البنات اللي كل همها انها خلاص اهلها مش معاها بيعملوا اللي يعوزوة
صاحبي البنت اللي مبدأها موحد ف الداخل والخارج وكمان اللي لبسها كويس ومش ملفت
لان اللبس اهم حاجه وهو اللي بيعبر عن شخصية البنت من الداخل
يعني هيفيد ايه الاحترام جدا ولبسها خارج
؟
نظرة الناس لها شور هتكون ان البنت دي مش كويسه ع الرغم انها ممكن تكون مؤدبه جدا بس النظرة لها هتكون للخارج وربنا اللي عالم بالداخل
وعن طيبتك وحسن نيتك فأنا زيك تمااااااااااااااااما بثق ف الاناس بسهوله بس ليا احساس حباني الله به وبعرف افرق بين الكويس واللي وحش
بس احسن حاجه لماتيجي تصاحبي حد مش تحبيه اوي ولا تبعدي عنه اوي
خليكي بين البنين واوعي تحكي لحد من صحابك حاجه مهما كان هو
عاوة تحكي احكي لمامتك او اختك او خالتك لو قريبه منك ف السن وكده وهما اللي هينصحوكي للاحسن وهيخافوا عليكي
لكن صاحبتك ممكن تضلك وتنصحك بحاجه مش كويسه وتبقي غلط عليكي مستقبليا
ربنا يوفقك يارب ومش تخافي خالص
ربنا يوفقك يا جميله

طبعا لازم اعرف عيوبى من صديقتى بس ياريت تقولهالى بس بطريقة ظريفة يعنى بشكل نصيحة مش بشكل اوامر او تحدى او استهزاء بيا ساعتها هشكرها واحاول اغير من نفسى

اكيد طبعا لازم تكون النصيحه بطريقه مهذبه مافيهاش استعلاء ولا تكبر ولا تكون ف جماعه
استحضر بيت شعر معاني كلماته بتقول
يجنبني نصحك ف ف الجماعة لان النصيحه ف الملأ فضيحه
فلازم لو انا بجد بحب صاحبتي ونفسي اننها تتغير لازم انصحها بطريقه ماتوحيش ابدا انها قليله او مش كويسه
بالعكس اجبها بطريقه تستوعها وتتقبلها بصدر رحب
شكرا مرورك
صاحبة المشاعر الرقيقه

ربنا يوفق صاحبة المشاعر الرقيقة على مساهماتها وجزاها اللة خير
وكل سنة وانتى طيبة يا أمر وهلا بكى فى المنتدى
والسلا عليكم ورحمت اللة وبركاتة

شكرا يا قمر الاقمار على زوقك انتى وفجر بس بجد انتو بتعملو مواضيع هايله