ايه الفرق؟؟؟؟؟؟

كتير بيخطر علي بالي سؤال وهو؟؟؟
ليه البنت مش واخده حقها زي الولد في ابسط الحقوق
بمعني
يعني ليه المجتمع مش بيعاقب الولد لما يغلط زي مابيعاقب البنت؟؟؟
هتقولولي عادات وتقاليد شرقيه؟؟؟
هقولكم عادات ايه وتقاليد والقران لمااتكلم ساوي البنت زي الولد الا في الميراث والشهادة والقوامة..........
دايما المجتمع بيفتري ع البنت في ابسط الحقوق
زي مثلا حاجه بسيطه وهي محور حديثي
لما مثلا بنت تشترك ف منتدي ع الرغم انها بتكتب بكل احترام وادب وبتراعي الحدود اللي نشأت عليها والدين اللي بتحافظ عليه
نلاقي هجوم .بنت ازاي تشترك ع منتدي؟؟؟؟؟؟؟؟؟؟؟؟
فضيحه ان البنت تقعد علي جهاز كمبيوتر
وتلاقي بقي النصايح شغاله من قرايبها بلاش تدخلي عشان غلط؟؟
هو فين الجرم والغلط اللي تستحق عليه النصيحه؟؟؟؟
ليه احنا دايما شعب ديكتاتوري مجتمع ذكوري بحت
ايه الغلط لمابنت تشترك ف منتدي وتقول رأيها وتعبر وتساهم بصراحه
فين الجرم هنا؟؟؟
انا معاكم ان البنت لازم تتعاقب لو خرجت عن النطاق المألوف وهو التحلي بالاخلاق التي فطرها الله عليها وعلي الحياء والاحترام ولو خرجت عن كده يبقي تتعاقب
ايه الغلط لمانعرف ان بنت بتكتب زيها زي اي ولد طالما مش بتخرج عن المألوف
ليه بتظلموا المرأه والبنت ومش بتدولها حقوقها زيها زي اي شاب ف الدنيا
مجتمع الديكتاتوريه ده عاوزين ننساه احنا ناس عارفين الصح والغلط الحرام والحلال
انتهي عصر سي سيد احنا دلوقتي البنت زي الولد في حدود الاخلاق والشرع
مجتمع ايه اللي يحرم ان بنت تتكلم عادي وتشترك وتساهم
لو سمحتم اتمني زيادة الردود عشان عاوزين نوصل لحل للمشكلة دي

موضوع جميل

تعليقي على الموضوع بقى
ان مش غلط ان بنت تكتب على المنتديات عادي ايه المشكله طالما انها زي ما حضرتك بتقولي في نطاق هادف وباحترام ومفيش حاجه تسئ ليها

وبعدين مش واخدين حقكم ايه بقى دا انتوا عدتوا بتخلعونا وماله زمن سي السيد احلى زمن كان الواحد له شنه ورنه

عن نفسى
أنتظر أن تعرف ناريمان على مجاهد كيفية الكتابة على الكاى بورد بعدها سأنصحها بالمشاركة باسمها وليس باسم مستعار
فى كل ما ترغب به من منتديات لها سمت دينى أواخلاقى أواجتماعى مثل منتدانا
اللهم ننصحهن فقط بالابتعاد فى المنتديات عن مواضيع التعارف والكلام عن الأشياء الشخصية وذكر الانطباعات بالنسبة للأعضاء الآنسات والشباب
فالتحدث فى المنتديات - خاصة بالنسبة للحريم - له بروتوكول . . . يجب ان يكون فى الموضوعات العامة مثله مثل نشر مقالة فى مجلة الحائط المدرسية وليس على سبيل الدردشة والثرثرة فى مواضيع غير ذات قيمة
وصراحة أول تلك المواضيع التى يجب حجبها سواء بالنسبة للحريم أو حتى الشباب هى مواضيع الحب والهيام واستظهار اللوعات والكلام الذى يحمل المعانى بين سطوره وأعتقد أن أفضل مانع يحول دون الإشتراك فى مثل تلك المواضيع هو الحياء ونحمد الله تبارك وتعالى أنه متوافر لدينا وبكثرة كبلد ريفى يعى شبابها وبناتها معنى العيب ومعنى الحلال والحرام
فها نحن نريد ما يبرهن ذلك نريد ان نطالع مواضيع بناتنا المرجاويات . . . مثقفات . . .يتميزن بحدية فى كل قول وكتابة . . . لا يشغلن أنفسهن بالردود من الشباب . . .لا يخضعن بالقول حتى لا يطمع الذى فى قلبه مرض . . . بالمعنى الأصح نريد أن نطالع مواضيعهن تدل على شخصيتهن العسكرية
إذا ما روعى ذلك فلا مانع شرعى ولا عرفى ولا أخلاقى من اشتراك المرجاويات فى كل الموضوعات بإبداء آرائهن والتعبير عما يجوب بمخيلتهن وبأسمائهن الحقيقية فلا عيب فى ذلك ولا خجل وإلا لاختارت الخنساء رضى الله عنها لنفسها اسما مستعارا لعرض أشعارها أو حتى اختارت د / عبلة الكحلاوى أو د / سرية صدقى أو فوزية عبد الستار لنفسها اسما مستعارا لتظهر به فى وسائل الإعلام
شكرا

كلام حضرتك عجبني جداااااااااااااا استاذ علي والله
وياريت كل واحد يبقي تفكيرة مثلك متسم يالثقافه والنضوج والرويه
انا عن نفسي مش شايفه اي غلط من اشتراك بنت علي منتدي طالما بتساهم ف حدود الادب والاخلاق والدين
بس في نماذج كتير عارضتني بصراحه اني اشترك بس انا طالما ع اقتناع بصحة تفكيري يبقي تفكيري بس اللي يهمني مع احترامي طبعا للي بيرفضوا اشتراك بنت ع منتدي
المنتدي زيه زي اي مجله... في اركان معينه شايف نفسك فيها فبتكتب مايجول ف خاطرك ...واركان بتتجنب الحديث فيها ....بس ممكن لو حكم الموقف وحسيت انك ممكن تفيد حد فبتقول رأيك عادي
وعن كون مثلا ان البنت تدخل بأسمها الحقيقي بدل المستعار فأنا عن نفسي والله بحب فجر الاسلام جدااااا مش هروب من معرفة شخصيتي
ولو عن شخصيتي فماشاء الله ابن عمي الصغير قام بالواجب
ههههههههههههههههههههههههههههههههه
ربنا يهديه ويعقله