الحب فى الغربه

بسم الله الرحمن الرحيم
والصلاة والسلام على اشرف المرسلين سيدنا محمد (صلى الله عليه وسلم)وعلى اله وصحبه اجمعين
اولا ازيكم يا اهل البلد الكرام وبخص اهلى واصحابى
انا النهارده بكلمكم من عروس الصعيد محافظة المنيا كان عندى النهارده رست قلت لما اجى اقعد فى اى مركز نت علشان اكتب على منتدانا الغالى
المهم انتم عاملين ايه البلد وحشتنى جامد بس علشان تكونوا عارفين والله المنيا جميله واهلها اجمل
يعنى من الاخر انا عايز اتكلم عن الحب فى الغربه ازاى تتافلم فى بلد لاول مره تروحها وازاى تكون اصحاب حلوين يكونوا سند ليك فى البلد دى
وفى نفس الوقت تكون ليك فى البلد دى احسن وافضل ذكريات فى حياتك
بس الحمد لله انا كونت هنا صداقه زى الفل مع ناس من الاقصر واسوان والمنيا ومحافظات كتير اوووى غير انى مع المشرفين عشره على عشره المهم انا حبيت اجى اتكلم شويه
ويا ريت اى حد هنا راح اى حته بره محافظته وعاش فيها فتره يكتب ويقول ايه احساسه وهوه بيبعد عن بلده وازاى اتاقلم فيها

ربنا يهون عليك غربتك وترجع لاهلك وبلدك

بصراحه يامحمد اوحش حاجه الغربه
وعن التأقلم مافيش تأقلم وعن الصداقه صعب تلاقي وبالنسبه ليا لغاية دلوقت لسه ماحبتش غير بلدي رغم انها بلد اجارك الله بس بحبها وعن اصدقائي فعلا بتكون صداقات من كل المحافظات بس اعتقد زماله ومش صداقه ممكن تطول اكتر من 5 او4 سنين يعني سنين الكليه بس وبعد كده فنش
عموما ربنا يهون علينا وينجحنا ونحقق كل احلامنا
موضوع فكرتة جميله
اعتقد العنوان الملائم اكتر( التعايش مع الغربه) من وجهة نظري وطبعا انت البروف بس اضافه مش اكتر

ربنا يهون عليك غربتك
بس دى مش تعتبر غربه
لانه داخل مصر
امال اللى بره مصر ويعالم اذا كان راجع ولا 0لا
يبقى اسمه ايه
وبالنسبه ل التقالم وعمل صداقات ده اسهل ما يكون وده كله بيجى بالسان الطيب والاحترام المتبادل
وربنا يهون عليك غربتك

ايه يابشمهندس انتا تنزل اى مكان لازم الناس تحبك لانك محترم وبتحب كل الناس ويارب تكون دايما بخير

ربنا يخليكوا يا جماعه على الردود اللى زى العسل من ناس محترمين جدااااااا

ربنا يعينك على غربتك بس انت اسمك فى الاخر داخل نطاق جمهورية مصر العربية
يعنى اخوانا اللى مسافرين برة مصر يعملوا اية
ربنا يعينك ويعينهم

بلاش انته

نايس توبيك