من انا؟؟؟؟؟؟؟

من انا؟؟؟؟؟؟؟

مش راح اقول انا المعــــبد ولا الاهرام ولا ابن النـيل
ولا اللي في عز يوم ازمـــه اخطي لك ولو 100 ميل
ولا الفلاح معاه فاسه ولا في مركب شراعه جمـــيل
ولا دفـــعه رايـــح جيشـــه ولا فنان يقول موواويـــل
ولا صيـــــــاد رمي شبــكه ولا بنا حجـــارة بيشـــيل

عرفت انا مين؟؟؟؟؟

هقولك كل اوصافي يا صــاحبي بس لا تزعل
ماهو اصل اللي ما يعرفني يمــكن يكون اهبل
انا اللي لما شي ينقــــص اخويا بيجي ويكمل
يا اما انت عارفني يامــــــــا انت اكيد بتستهبل

هقولك تاني........

انا تريكه معاه عقاد معاه محفوظ واخـــــونا زويل
انا الشقيان مع الغلبان نقعد نضحك سواا باــليل
وشاب كفاءة بيســــههر مع المزة وشــــط النيل
انا السهران شايل االي انا الجندي اللي ماله مثيل

بردو ما عرفتش..... ياااااااه..

مهيش فزورة ولا حاجــه انت بس شغلها
انا اسمي خمس مرات عم الشيخ رتلــها
انا اللي بعت بهديه لسيد الخلق وقبـــلها
انا باب اسيا وافريقيا وابقـي للعرب خالها

ياه لسه ما عرفتش... فتح مخك معايا

انا اللي ربي قال اسمي في ذكره فوق سبع سمـــوات
وطه بردو وصاكم باهلــــي وقال اني ماليش في شـتات
انا الراجل اناالمجــــــــــــــــــــدع انا صبايا واحلـــي بنات
انا اللي الحبه في ارضــــــــــي باذن الله تصـير جنـــــات

مش عيب عليك....

عارفني انـــت وانا عرفتــــك عرفت انك ضميرك مات
شتمت وقلت علي كيفك وانا اعمل ايه قصاد حركات
يبان الكره علي وشك وانا بضـــــــــحك من الاساءات
لكن توصل بيك الجـــــــــــــــراة تولع رايتي بالهتافات
مسير الحـــــــــــــــي يتلاقي وتندم عاللي عدا وفات

خلاص مش فارقه..

اخوكي مات يا بلادي اقري الفـــــاتحه علي روحه
وانا هاعمل حسابي خلاص مالياش دعوةبجروحه
واللي معاكي اهو ابنـك وغيره بيجني علي روحه

انا اسف يا جماعه بس الجرح صعب
يمكن يكون الكلام خانني
بس انا ما قصدت اساءه لحد
بالعكس
انا شاكر
لكل من سبب فرح لمصر
وكل من سبب حزن لمصر
لاني ولاول مرة باحس ان بلدي كانت قلب واحد وشخص واحد له مشاعر واحده
من الصعيد لاسكندريه
من رفح لمطروح
بس والله ما كان دا العشم
سامحوني