هنا نستقبل ارائكم ووجهات النظر في........

على عجالة أدلى برأيى
أولا أحب أن أحيى كاتب الموضوع على اثارة هذه القضية الهامة
أما بالنسبة لقرار انشاء هذا الجدار فأرى أن الإدارة المصرية لم يحالفها الصواب
فنعم نحن من حقنا أن نحافظ على حدودنا ونعم من أن نرفض تسوية القضية الفلسطينية على حساب سيناء
ولكن لا يكون ذلك بجدار يقضى على الرمق الأخير لاخواننا المحاصرين فى غزة
فتلك حدودنا ومن حقنا عمل أى شيىء عليها ولكن تفرض علينا الظروف الإنسانية ووضع مصر الريادى كشقيقة كبرى للدويلات العربية فى المنطقة . . . كان على الإدارة المصرية ان تبحث عن أى اسلوب آخر للحفاظ على الحدود الشرقية دون انشاء هذا الجدار العازل
ثم أن قرار كهذا كان المفترض عمل استفتاء شعبى للبدىء فى تنفيذه ولا يقتصر الأمر عند حد خناقة فى مجلس الشعب بين الكتلة البرلمانية للإخوان المسلمين وبين نواب المصالح من الحزب الوطنى
.
.
شكرا وللحديث بقية

اخوانا المحاصرين في غزة عايشين احسن مني ومنك ياسيد على
وتقدر تشوف الفلسطنين في كل ارجاء المعمورة
بياكلوا ويشربوا ويلبسوا ويتعلموا احسن من كتير من المصريين مش لاقين حاجة
ياريت نتكلم احسن عن القدس وفقط لانه دا اللي يهمنا من الموضوع
كفاية علينا كدا
واسال اي فلسطيني عندك في الجامعات الخاصة
اصلهم صعب تلاقيهم في جامعات حكومية
دي ناس بتتعلم بفلوسهم
هايقولك اللي بيتنقل علي القنوات الاخبارية شئ والواقع شئ اخر
ياسدي مش كفاية علينا حروب من 48 حتي 73
خلينا في حالنا احسن
وبعدين دول ناس بتتنازع على السلطة
يعني شعبهم اخر حاجة بيفكروا فيه
يبقي احنا اللي هنفكر فيهم
ياعم على خليها علي الله
وبعدين حكومتنا بتفهم في السياسة اكتر مننا
وبتعمل الصالح لينا
البلد بقت ملايانه مخدرات علي كيف كيفك
انت لو عندك بيت وحسيت انه جارك ناوي يسرقك او بيضايقك
بتبني سور حديدي
وتجيب طوب وتبني
لانك خايف علي نفسك وعلى بيتك واولادك
حتي لو كان جارك دا اخوك
هتحافظ علي بيتك واولادك اولا
مش كدا ولا ايه

جميل هذا الزخم الذى صنعت سيدى غريب فى بلدى باثارة هذا الموضوع
وربما جمال الموضوع فى تباين الآراء واختلافها
كما تفضل وأشار أ / مختصر فى تعليقه فى إعادة سرد وجهة النظر المطروحة حتى على لسان وزير الخارجية أحمد أبو الغيط
ولكن يبقى الأمر مثار جدل
**وهناك أراء الكثير مثل راى أ / مختصر فى أن المصلحة تستوجب بناء هذا الجدار
**هناك أيضا أراء الكثير تقضى بفتح الحدود دون قيد أو شرط مع غزة وتلك أيضا أراء لا نستطيع تجاهل طارحيها
**وهناك آراء الكثير مثل رأيى فى أنه كان يجب اتخاذ اى قرار آخر للحفاظ على الحدود الشرقية لمصر مع غزه دون بناء جدار بتلك الصورة
إذا نحن أمام أمر من ثلاث لثلاث اتجاهات لو حاولنا وضع مسميات لتلك الاتجاهات بنفس الترتيب لكانت
**وطنى
**اخوان
** وسط
إذا كان الأمر يستوجب على حكومة الحزب ألا تصادر آراء الآخرين بالانفراد باتخاذ القرار وتنفيذه
كان عليها طرح الموضوع فى استفتاء شعبى مثلما الحال فى إسرائيل عند اتخاذ قرار على نفس الدرجة من الأهمية وربما أقل
فاسرائل لها فى المنطقة قرابة 70 سنة ولم نتعلم منهم شيئا بينما لهم السبق فى احترام حكوماتهم للشعب والرأى العام
شكرا أ / غريب شكرا أ/ مختصر

شكرا استاذ على مجاهد
وانا ياسيدي والله لاسمعت احمد ابو الغيط قبل كدا ولا غيره
هي وجهة نظر شخصية لااكثر
كل القضية انه الواحد مل من نغمة الفلسطنين دول
يااخي مايشوفلهم حل بعيد عننا
ويعني يااستاذ علي لو عسكري الامن المركزي اللي استشهد علي الحدود وضربوه بالنار دا اخوك ولا قريبك
كان دا برضوا هيكون رايك في الموضوع
الانفاق والممرات الغير مشروعة
ياريت كانت لتهريب الاكل والدواء وفقط
ولكن هناك اشياء اخري كتير غير شرعية كانت تدخل مصر عبر هذه الانفاق
مخدرات وسلاح ونسوان
واي شئ ممكن تتخيلوا
والموضوع مش محتاج استفتاء ولا حاجة
لانه مفيش مصري مهتم بالمواضيع اللي زي دي كتير
يمكن ماتلاقيش غير انا وانت وكاتب الموضوع
وتقعدوا بالعافية

المختصر كتب:شكرا استاذ على مجاهد
وانا ياسيدي والله لاسمعت احمد ابو الغيط قبل كدا ولا غيره
هي وجهة نظر شخصية لااكثر
كل القضية انه الواحد مل من نغمة الفلسطنين دول
يااخي مايشوفلهم حل بعيد عننا
ويعني يااستاذ علي لو عسكري الامن المركزي اللي استشهد علي الحدود وضربوه بالنار دا اخوك ولا قريبك
كان دا برضوا هيكون رايك في الموضوع
الانفاق والممرات الغير مشروعة
ياريت كانت لتهريب الاكل والدواء وفقط
ولكن هناك اشياء اخري كتير غير شرعية كانت تدخل مصر عبر هذه الانفاق
مخدرات وسلاح ونسوان
واي شئ ممكن تتخيلوا
والموضوع مش محتاج استفتاء ولا حاجة
لانه مفيش مصري مهتم بالمواضيع اللي زي دي كتير
يمكن ماتلاقيش غير انا وانت وكاتب الموضوع
وتقعدوا بالعافية

نعم صحيح سيدى مختصر
أنت لم تشاهد أحمد ابو الغيط
فهو اقل منك حدة بعض الشىء
بينما موقف المسئولين الحكوميين - الأقل من موقفك حدة - أعتقد أنه لا يراعى حقوق الفلسطينيين علينا خاصة مع وحدة القومية ووحدة الدين ووحدة العدو
فإن كان النظام المصرى غير مرتاح لاقامة إمارة إخوانية على الحدود الشرقية من سيناء فما هو ذنب الغزاويين ؟؟؟
وهل حق عليهم التجوييع والحصار لمجرد أنهم رفضوا عمالة فتح وسرقات السلطة الفلسطينية وصوتوا لحماس
وهل وجدوا أمامهم بديلا غير هؤلاء الحمساويين ؟؟؟
المهم ليس موضوعنا فتح وحماس فلتذهب حماس وفتح للجحيم ولكن اطفال غزة الذين يموتون جوعا من قلة الأدوية وحليب الأطفال . . . هذه سبة فى جبيننا وجبين العروبة كلها وجبيبن الإنسانية جمعاء
المسألة يا صديقى مختصر ليست قضية فلسطينيين وغير فلسطينيين القضية قضية حق ومن واجبنا أن نقف فى صف الحق فى صف الشعب المغتصب أراضيه والمنكر عليه الحياة والمكتوب عليه ألا يأكل أو يشرب أو يلبس أو يعالج إلا عن طريق الأنفاق التى ننكرها عليهم
دعنا صديقى مختصر على الأقل نقلد شافيز أو حتى جلوى من الوقوف فى جنب الحق ولا تجعل الظروف تفرض علينا التفريط فى النخوة والشهامة المعروف بها المصريين الذين اعتادوا على مر التاريخ أن يزودوا عن العرب والإسلام كل خطر يهدد كيانهم وعرقهم من تتار ومغول وصليبيين والآن صهاينة
أما عن المعارك التى سطرها التاريخ بحروف من نور فسنظل نحكيها لأبنائنا طيلة عمرنا ونظل نذكرهم بالقدس وغزة والخليل والضفة ونعكف على إفهامهم القضية كلها إلى أن يأتى جيل يستطيع تغيير ما لم نستطع تغييره نحن
اعذرنى اخى مختصر ان كان بينى وبينك اختلاف فى الرأى أو ان ظهرت بعض عبارات فيها حدة . . . فصراحة كلما طالعت الصهاينة المجرميين يحتلون الأقصى وينتقمون من الشعب الفلسطينى الأعزل من حرب إبادة أو تجويع وحصار وموت بالبطىء صراحة أجد نفسى غائر الصدر
وأطالبك كذلك أن تكون غائر الصدر معى ولا تنظر لموضوع القضية على انه شىء عادى أو ان تقول على الفلسطينيين أن يصرفوا أنفسهم ويحلوا قضيتهم بعيد عنا
لن أنسى موقفا بكيت فيه بالفعل . . . طفلة 12 سنة فلسطينية صورتها كاميرات الإعلام فى المستشفى مبتسمة ولا تعرف كونها فقدت رجليها الاثنين فى غارات العدو الصهيونى الغاشم . . . كانت البنت تناقش انها تتمنى أن تصبح إعلامية عندما تكبر . . . كلها أمل فى مستقبلها . . . لا تعلم أن إعاقتها التى فرضتها عليها قنابل الاحتلال قد أجهزت على كل تلك الأحلام . . لا تعلم أنه لا مجال لأى رجل ان يربط حياته بمثل من كان فى ظروف عجزها . . . سوف تعلم ذلك بعد سنوات .
تلك لم تكن فبركة إعلامية فنحن قد وصلنا لمرحلة من الوعى تمكننا من التفرقة ما بين الفبركة والحقيقى
المهم يا صديقى حتى لا نخرج عن الموضوع
القضية الفلسطينية وقضية القدس ستحل إن اجلا او عاجلا - سواء كان بالمصريين أو بغيرهم - وحلها لن يكون إلا بسلاح الإيمان والعلم وإن شاء الله تعالى سوف يسترد المسلمون القدس هكذا بشرنا رسول الله صلى الله عليه وسلم
اما ان كان رأيك أن يستثنى المصريين من حل القضية فعفوا لم يحالفك الصواب إن كنت تريد أن تفوت علينا فرصة خدمة الحق والعدل وإعلاء كلمة الدين واسترداد القدس فتلك أشرف الأهداف وهذا ما يجعل لحياتنا معنى أن يكون لنا قضية هدف . . . لا أن نحيا فقط لنأكل ونشرب ونذهب إلى دورات المياه . . .فعفوا تلك حياة الدواب وربما أضل سبيلا
.
.
أما عن الشهيد عسكرى الأمن المركزى الذى استشهد على الحدود فمؤكد أن تلك الرصاصة قد انطلقت من مسدس عميل صهيونى جبان بهدف الإيقاع بين صفوفنا وبهدف إيصالك أنت شخصيا لتلك الحالة التى أنت عليها
.
.
أما عن النسوان والمخدرات التى تفضلت وذكرت سعادتكم فتلك السلع لا تحتاج إلى أنفاق كى يتم تصدريها أو استيرادها فغالبا ما تدخل وتخرج ومعفاة من الضرائب لكونها منسوبة ربما من الباطن لوجهاء بلادنا للأسف .
اللهم لو واجهنا تلك الموبقات بالحث على الأخلاق الحميدة ودعم فكرة التدين لبارت تلك السلع ولسعى مروجوها للانتشار فى بلاد اخرى غير أرض مصر الكنانة

اللهم تلك حجة من الإدارة المصرية وحقيقة الأمر أن ما يثير حفيظتها هو السلاح الذى يخافون من تسريبه للإخوان المسلمين
ولكنها الحرية - التى لا نعرف لها طريق - و التى ما إذا منحت لجميع التيارات السياسية لأمن النظام شر خروجها عليه
ولنا فى سيدنا عمر ابن الخطاب رضى الله عنه أسوة حسنة حينما نام تحت الشجرة فقال عنه القائل حكمت فعدلت فأمنت فنمت يا عمر
شكرا سيدى مختصر وشكرا لكاتب الموضوع

سيدي واستاذي علي
انا وانت لم نعاصر حقبة الخمسينات والستينات
كنت فقط استمع لجدي وابي
عن تلك الفترة
وانه من ساء حظه ودخل الجيش في هذه الفترة
فكانوا ياخده عزاه قبل السفر
لانه ميت ميت لامحاله
يعني رايح والجيش ومش راجع
هيموت
او سيستمر في الجهاديه الي مالانهاية
اما بالنسبة للقومية والعروبة والكلام الجميل دا
اللي كنا بندرسه زمان في كتب الدراسة المختلفة
فلا واقع له الان
تقدر تفسر لي بس تحالف حماس مع سوريا وايران معناه ايه
كلا له ايدولوجيه فكرية مختلفة تماما تصل الي حد تكفير كلا منهم الاخر
ومع ذلك بيطبقوا نظرية الغاية تبرر الوسيلة
اما بالنسبة لجالاوي وتشافيز وغيره
فالجماعة دول بيطبقوا المثل القائل اللي تكسب به العب به
نكاية في امريكا واسرائيل لا اكثر
يعني مش قلبهم علينا اوي
دا تشافيز دا ياعمي شيوعي يعني ملحد
وبعدين مشكلة فلسطين دي تتحل في قعدة عرب
الي ان ياتي امر الله
يخلوا اسرائيل تحكمهم احسن
اليهود هيقدروا يحكمهم ويوفروا ليهم كل شئ
ويريحوا راسهم
الي ان ياتي اناس اقدر علي تحرير بلدهم وحكمها
وبعدين مش هما اللي عملوا امارة في غزة وامارة في رام الله
وقسموا البلد
يتحملوا بقي
وكل سنة وانت طيب

هو يعنى فلسطين ملهاش حدود غير مصر لية بيبنوا الجدار على الحدود المصرية
ويشتكولوا زعلهم على فلالية بيجى ناس من اوروبا ويقولوا احنا زعلانين على اللى بيحصل فى فلسطين طيب مايروحوا للسفارة فى بلدهم ولا للريس بنتعاهم ويشتكوا لية زعلهم
ويعملوا زعلانين
عاوزين يظهروا للعالم انهم زعلانين وعندهم حنية على فلسطين اكتر من المصرين
دا احنا اكتر ناس حاربنا اسرائيل
والله اعتقد انهم بيعملوا كدة عشان يقولوا فى الاخر ان مصر هية بلد الارهاب والمخاطر وفى الاخر يشنوا الحرب على مصر

هو مين اللى قوى اسرائل وساندها على اسرائل
مش الدول الاوربية بردة ولا اية ؟

ياشباب كل اللي بيحصل دا استهبال
جايبين شوية اكل وشوية دوا
طبعا من الفائض عندهم ويمكن منتهي الصلاحية
زي المعونة الامريكية اللي كانت بتجيلنا زمان
زيت ورز وحليب مجفف
وكلام من دا
ويقولك احنا بنساعد فلسطين
الحكومات الاوربية فين
وامريكا فين
هيقولك دي جمعيات اهليه
مالهاش دعوة بالحكومات
طيب يضغطوا علي حكوماتهم الي بتساعد اسرائيل ليل نهار
وبيمدوهم بالسلاح والدعم وكل شئ
واذا حابين يدخلوا فلسطين يدمحترموا من ناحية اسرائيل او الاردن
دا اذا قدروا اصلا
وبعدين مش الفلسطنسن دول اللي فتحت مصر ليهم الحدود قبل كدا
علشان ياخدوا اكل وشرب ودوا
وفي الاخر طلعت فلوسهم كلها مزورة
دا شعب محترف نصب
وعالم ماعندهاش مبدا
يعني مجاورين اليهود
هتستني منهم ايه بس
ويجعله عامر
شكل كاتب الموضوع هيودينا السجن
ربنا يستر