تفكير بنات اليومين دول وهما بيختارو العريس ماتيجوا نشوف فتحيه وشلبيه بيعملو ايه

من طرف **الخواجه** السبت مارس 01, 2008 3:27 am

تفكير بنات اليومين دول وهما بيختاروا العريس, ما تيجوا نشوف فتحيه وشلبيه بيعملوا ايه

/
/
/
/
/
/
/
/ والله شكلي هتضرب انهاردة من البنات

يالله زي ماتيجي تيجي

عندنا الابطال شلبية وفتحية وقاعدين على المصطبة مع كوبية شاى وشوية فوصوليا بيقطعوا فيها5.gif

شلبية:عايزة عريسك يكون شكله ايه يافتحتح؟
فتحية:عايزاه.. كدة يكون واد فى 22 عشان يبقى صغنوتوت كدة وحلو..
شلبية:يهدك عايزاه لما الناس تشوفه يقول اكبر منك..
فتحية:لا يابنتى ماهو انا اصغر منه بتلات سنين..
شلبية:ياعبيطة دول مايبانش عليهم سن

فتحية:طب عايزاه يكون واد روش كدة مش معقد وينكدها عليا..
شلبية:انتى يابت اتهبلتى فى مخك عايزاه لما كل واحدة تشوفه تقول مين الواد الروش الامور دة

فتحية:ايوةةة نفسى اتجوز واحد كدة يكون متدين ويعرف ربنا
شلبية:انتى يومك مش فايت النهاردة..عايزة تتجوزى واحد متدين يتجوز عليك اربعة ويقولك مثنى وثلاث ورباع وياحبيبتى بطبق الشرع

فتحية:اه طب يكون عينيه خضرة وشيك كدة وواد انتيكة..
شلبية:انتى يابت هتيجى لى الضغط بدرى عايزة لما الناس تشوفه يقولوا دة جوزها احلى منها
مش عارفة بصلها على ايه..!!

فتحية:طب اقولك احسن حاجة اتجوز واحد يكون مبهدل كدة بلاش المحرتف دة
شلبية: ولما الناس تشوفه معاكى يقولوا عليه ايه متجوزة بياع ترمس دى ولا ايه

فتحية:انا نفسى اتجوز واحد يكون طيب كدة وابن حلال
شلبية:يابت ياخايبة مش عايزاه يكون له كلمة عليك ولا تهشيه كدة يقوم يقولك طيب ياحبيبتى

فتحية:طب نخليه سى السيد
شلبية:عايزاه يمشى كلمته عليك ومايبقاش لكى كلمة فى البيت وتبقى زى الفرخة قاعدة تهشى وتنشى ويجيبك شمال ويمين

فتحية:سيبك من دة كله طب خليه يكون كدة واد مثقف وبيعرف يتكلم
شلبية:يادى النيلة عليك عايزة تتجوزى واحد يقعد طول النهار يتفلسف عليك بالكلام اللى بيقراه فى الكتب ويقولك دة انتى مابتفهمييييش الا فى الطبخ..!!

شلبية:خلاص اكون انا مثقفة عنه..
فتحية:عايزة الناس تقول عليك ايه متجوزة واحد مابيعرفش يوجفها مابيرعرفش يوجفها

هيا فعلا البنات عايزة ايه ؟؟؟؟؟؟؟؟؟؟