امثال اليومين دول

اهلا من طلب العلا .......... يتفضل كابينة ( 4 )

اللي بيته من قزاز ............... ما يغيرش هدومه في الصالون

فاقد الشئ ............. يدور عليه


إقلب القدرة على فمها ............ الفول يقع منها

تأتي الرياح .............. محملة بالأتربة

يا خبر النهاردة بفلوس ............ بكرة ينزل عليه أوكازيون

اللي معاه قرش محيره .......... يجيب حمام ويحمره

جت الحزينة تفرح ....... شغلت شريط حكيم وقعدت ترقص

قال يا محششين ........ يكفيكوا شر الكمين

اللي يأكل لوحده .......... يشبع

إقطع عرق ......... وحتة بتلو

إطبخي يا جارية ............ الأنبوبة فاضية يا سيدي

لو حبيبك عسل ............. ما تحطش عليه طحينة

اللي بيتلسع من الشوربة .......... يطلب المطافي

وبكرة ترجع ريما ........... من عند خالتها في مارينا

يا داخل بين البصلة وقشرتها ....... حط قطرة علشان هاتدمع من ريحتها

اصوم اصوم وأفطر على ............. المدفع

ضربوا الأعور على عينه قال .......... **رتوا النظارة

اللي مايشوفش من الغربال ......... يكشف نظر

من خرج من داره ............ ماينساش ياخد المفتاح

الباب اللي يجيلك منه الريح ............ شيله وركب قبنوري

المضطر ........... يركب تا**ي

رب صدفة خير من الف ...........ليلة وليلة

اللي يخاف من العفريت ........... يعمل عبيط

المركب اللي فيها رييسن ............. يلعبوا طاولة

اللي خدته القرعة ............. تأخده ام الخلول

أكل العيش يحب ...........الطعمية

العين عليها .........Lenses

قالوا للحرامي أحلف قال .......... وحياة قلبي وأفراحة

أجري جري الوحوش ........ اتوبيس 710 ما تلحقوش

متبصليش بعين رضية .....دنا طلع عيني في السعودية

ربنا يحميكي ........ من الميكانيكي

الحلوة من حلوان .... وصاحبها راجل غلبان

الحلوة من دمياط ....... وعليها أقساط

دي قصة كفاح ..... مش جاية على المرتاح

ما تزمروش يا باهايم ......... السواق بتعانا نايم