والله حرااااااااااام

من طرف **محمد التميمى** الخميس يناير 24, 2008 3:08 pm

المفروض ان المشرف على الكرة المصريه مش بيكون بيشجع طرف من الاطراف المفروض يكون محايد مش واحد زملكاوى كل شويه يقول حازم امام ل عمرو ذكى لأ شيكابالا لأ مش عارف مين تانى يا عم حرام عليك طيب نزل لنا شويه فيديوهات عن الاهلى وعن انجازاته المحلية والعالميه
ولا ايه رأيكوا يا جماعه ؟
المفروض المشرف ده يتغير أو يكون أهلاوى أقصد محايد

من طرف **خلود وجنه** الخميس يناير 24, 2008 3:40 pm

الاخ العزيز محمد التميمى انت اهلاوى والمشرف زملكاوى
والكره فى مصر اهلى وزمالك فماذا يفعل المشرفين على المنتدى

من طرف **على مجاهد** الخميس يناير 24, 2008 8:59 pm

التشجيع مطلوب
زملكاوى أو أهلاوى مفيش مشكلة
بس التعصب الأعمى هو اللى مش مطلوب
يعنى الزملكاوى اللى بيفهم كورة بيشجع الخطيب وابو تريكة وأى لعبة حلوة للأهلى
وعليه أضم صوتى لصوت المكرم / محمد التميمى فى طلب استنزال فيديوهات للأهلى
وعلى فكرة ياريت أسلوب إدارة نادى الأهلى يدرس لبقية النوادى
وكمان للإدارات حتى الغير رياضية فى مصر كلها
أكيد وضع البلد هيتغير
التوقيع : زملكاوى لا يعرف التعصب

من طرف **عادل رمضان** الجمعة يناير 25, 2008 9:22 am

اوك يا جماعه انا معاكوا بس فى حاجه الاخ اللى طلب منى انزل فيديوهات للاهلى
احب اقوله كتابه الموضوع او تنزيل الفيديوهات لست قاصره على المشرف فقط
انا زملكاوى ماشى ونزلت فيديوهات للزمالك لكن مش مطلوب منى انزل فيديوهات للاهلى هذا ليس اجبارا ولكنها حريه شخصيه
انت بصفتك اهلاوى ارفع بقه فيديوهات للزمالك
وانا عارف انك فى كليه حاسبات
واكيد علموكوا ازاى ترفع الحاجات دى واذا مبتعرفش اعلمك ماشى يا توتو
انا بقه فى تجاره وعارف
فياريت اشوفك تعمل كدا

من طرف **على مجاهد** الجمعة يناير 25, 2008 2:58 pm

يا واش يا واش يا عم عادل
خليها تيجى منك انت يا سيدى وخلينا احنا اللى حلوين
يا ريت تنزل أحلى أهداف الخطيب علشان محدش يزعل
ودا مش إجبار تقدر تقول رجاء
التوقيع : زملكاوى بيحب الخطيب