شباب الامه الحالي الي اين؟؟؟

من طرف **فجر الاسلام** الخميس ديسمبر 17, 2009 7:09 pm

في قاعدة فكرية بتقول ( إن المغلوب بيتأثر بالغالب ) .. فزمان عندما كان المسلمون فى الأندلس ( أسبانيا ) وكانوا متقدمين جدا ومتحضرين عن بقية بلدان أوروبا المتخلفة
وقتها .. كان تعلم الأوروبي وقتها للغة العربية شرف عظيم .. وكان لا يتعلمها فى أوروبا إلا سادة القوم .. لأنهم بدون اللغة العربية موش هيقدروا يعرفوا علوم المسلمين فى الطب والكيمياء والرياضيات اللى كانت بتكتب باللغة العربية .. وكان جامع قرطبة العظيم منارة العلم فى أوروبا كلها يتجمع فيه ناس من مختلف بلدان أوروبا لتلقى العلم العربي الاسلامي ..ولكن الأن الزمان دار على نفسه وإترمي العالم العربي والاسلامي فى قاع الزجاجه فأصبحت أوروبا تنظر له على أنه عالم متخلف لدرجة أن كثير من الامريكان لا يعرفون عن مصر إلا انها صحراء جرداء لا زرع فيها ولا ماء وأهلها لا يركبون إلا الجمال .. فى ظل هذا التخلف المتهم به دائما العالم العربي جاء عند ضعاف النفوس فكرة ( التقليد ) .. ونحن بطبيعة الحال لا نتكلم عن التقليد فى العلوم الطبية والفيزيائية فهذا شىء لا بأس به لأن الحكمة ضالة المؤمن ..

لكن العقلية العربية المغلوبة عندها تأثر بالغالب وتشعر أنها لن تحقق الرضاء النفسي لها إلا بتقليد الغرب تقليد أعمي ..والواحد ينظر إلى حال الشباب أصبح حاله يرثى لها .. اللى لابس بنطلون ساقط .. واللى عامل وشم .. واللى عامل شعره زى المجانين .. واللى لابس فى إيده حظاظة .. واللى لابس سلسلة .. واللى لابس بنطلون ضيق وماشى يدلع .. تحس إن العالم دي عايشة فى غيبوبة كبيرة والواحد موش عارف إمته الناس دى هتفوق من اللى هى فيه ..
( واللي لابس تي شيرت لفنان معين او مطربه خليعه او ..او... لكن الناس اللى كافحت من أجل حريتنا وديننا وكرامتنا.... الشباب ماتعرفش عنهم حاجه لا يعرفوا مين هو ( مصطفى كامل ) ولا ( عمر المختار ) .. عمرك شفت مثلا مصنع لـ "تى شرتات" قرر انه يطبع صورة مصطفى كامل على كل " تى شرت " ؟! ..ابداً .. ولو فكر مصنع وعمل كده هيكون أضحوكة عصره .. لكن إنه يحط صورة ( لفنان عالمي او اوربي) علشان وسيم وامور فده عندهم شىء عادي علشان يكون شاب روش ومتفتح على الغرب ..هى دى العقليات اللى المفروض هى سواعد البلد .. شباب البنطلون الضيق والشباب التافه
زي مافي وحش في بجد نماذج كويسه جدا والامه لسه بخير بس تفتكروا امتي هنرجع لعصر التقدم الحقيقي ويبقي لنا كريزما خاصه بنا ونأثرفيهم زي ماكنا؟؟
هنستني كتير ولا الامر ده مستحيل اساسا؟؟؟
مستنيه ردودكم

الموضوع اتشاهد كم مرة ومافيش ولا رد
وانا شايفه ان الموضوع يستحق المناقشه ولا انتم شايفين ايه؟؟؟

الشباب اى انتى بتتكلمى عنهم مش شيلين مسؤليه دلوقتى
وممكن يكون عندهم حق فى الى بيعملوه لان متعودوش على شيل المسؤليه من الصغر
لكن شويه كده اما يحسو بالظروف هتلاقيهم اتغيروا من نفسهم
ومش ضرورى اللبس لكن الشخصيه وشيل السؤليه
صدقينى هى حكايه وقت او سن مش اكتر

وشكرا على الموضوع الجميل ده

شباب الامه الحالي الي اين؟؟؟

شباب الامه الحالي الي اين؟؟؟

رد: شباب الامه الحالي الي اين؟؟؟

رد: شباب الامه الحالي الي اين؟؟؟