مشكلة التعليم

مصر أم الدنيا وهى بلدنا وغالية علينا
لذلك مش هينصلح حالها الا بأدينا
وان شاء الله بالحب والاخلاص
ينصرنا المولى على من يعادينا

ايها الأحبة....

طبعا فيه مشاكل كتير بتعاني منها مصر..فياريت نتكلم هنا بموضوعية وبعيدا عن النقد من أجل النقد
وإنما بهدف معرفة المشكلة وتصور الحل الأمثل لها

أبدأ الكلام عن مشكلة التعليم

لازم نعترف اننا مازلنا نتخبط فى وضع سياسة تعليمية لأبنائنا
ولازم نعترف ان كابوس الثانوية العامة لازال يطل بوجهه القبيح ويبث الرعب فى قلوب الملايين
لابد أن يكون فيه أسباب ومش لازم نعمل زى النعامة ونحط راسنا فى التراب ونقول الأمور عال العال ومافيش مشاكل وكل سنة وانت طيب يامعالى الوزير يااللى مهنينا ونعمل له تهانى زى تهانى ألفيات همس اللى ملهاش زى (كل اسبوع ألفية جديدة وتهنئة جديدة)
لازم ياحضرات نكون إيجابيين ونبطل شعارات وهتافات تخلى الباشا الوزير يقول
فعلا انا أنسب واحد ليهم واستحق أنى أكون وزير ليهم حتى الممات

ياحضرات انا شايف أن السبب الرئيسى فى مشكلة التعليم اننا بنقلد الغرب تقليد أعمى
علشان نخلى مناهجنا شبيهة بمناهج الغرب يبقى لازم أولا نوفر اللإمكانات الرهيبة اللى بتوفرها حكومات الغرب لتعليم ابناءهم
وثانيا لازم الطفل المصرى من يوم مايتولد يتعامل صحيا ونفسيا زى الطفل الاوروبى والطفل الأمريكي
مش نقطع نفس الطفل المصرى من الطعمية المغلية فى زيت يجيب السرطان ونعامله زى الطفل الاوروبى!!!
ومش نجيب له مدرسين ماسكين عصاية يعلموه!!!
ومش نجيب مدرسة حضانة جاهلة كل همها أن الاطفال يزعقوا باعلى حس علشان يسمعوا الست الناظرة!!!
ونرجع نعامل المصرى المدمر من طفولته زى الطفل الامريكانى!!!

وفيه حاجة كمان

هل التطور معناه ان منهج الدين الإسلامى يبقى منهج سطحى عبارة عن سؤال يجاوب عليه الطالب وخلاص هينجح ويركز عل المجموع فى المواد الأخرى ونرجع نشتكى ونقول أن الفكر المتطرف سيطر على عقول الشباب!!!

مشكووووووور اخى طبيب جراح على مواضيعك الجميلة والرائعة ومنتظرين القادم ان شاء الله